Mattheos 24:31 - Dakota Wowapi Wakan Kin

³¹ Unkanmazayahotonpi tanka hotanin kin on ohnihdewicaye cin yewicaśi kta, qa hena tate uya topa eciyatanhan, tona wicakaḣnige ciqon hena wicapahi kta, maḣpiya ihanke kin etanhan unma ihanke kin ekta hehanyan.

Mattheos 24:31 ပူးပေါင်းရင်းမြစ်များ

Mattheos 13:41

Wicaśta Cinhintku kin tona ohnihdewicaye cin hena yewicaśi kta; unkan tokiconze kin etanhan tona waḣtanipi qa taku śica econpi kin owasin pahipi kta:

Mattheos 24:22

Qa anpetu kin hena yuptecedan śni kinhan, wicaśta tuwedan ni kte śni; tuka wicakahnigapi kin hena on anpetu kin hena yuptecedan kta.

Mattheos 24:24

Messiya itonśni, qa wicaśta wokcan itonśni kin heca icagapi kta, qa wowanyake tanka wicoḣan tanka ko econpi kta, hecen okihipica unkanś wicakaḣnigapi kin hena eepi kaeś wicahnayanpi kta tuka.

Mattheos 24:32

Wanna suken can kin etanhan wiyacinpi wan onspeic̣iciya po. Can intpa hinaḣin suta śni, qa wanna ape uya, hehan mdoketu kin wanna ikiyedan sdonyayapi ece.

Mattheos 25:31

Tohan Wicaśta Cinhintku kin wowitan hduha, ohnihdewicaya wakan kin owasin om u kinhan, hehan wowitan oiyotanke tawa kin en kiyotanke kta:

Mattheos 28:18

Unkan Jesus en wicahi owawicakiye c̣a heya; Maḣpiya ekta qa maka akan wowaśake ocowasin maqupi:

Markos 13:27

Unkan hehan ohnihdewicaye cin hena ye wicaśi kta, qa tate ouye topa kin etanhan, maka ihanke kin etanhan qa maḣpiya ihanke kin hehanyan, wicakahnige ciqon hena witaya wicakpahi kta.

Lukas 24:47

Qa hecen iye caje kin on ihduecetupi qa woaḣtani kajujupi kin, oyate kin owasin en oyakapi kta, Jerusalem en tokaheya kta.

Johannes 11:52

Qa oyate kin heceedan śni, tuka Wakantanka cinca omdecahe cin hena owasin wanjidankiya kiwitaye kta.

Roma 10:18

Unkan miś, Hena naḣonpi śni he, epe. Hiya, hena oqo kin makoce owasin ekta iyaye c̣a wicoie kin maka ihanke kin hehanyan i.

I. Korinth 15:52

Ihnuhanna, iśta kakpapi se en maza yahotonpi tanka ehake kin tanin kinhan; maza yahotonpi tanka kin he yahotonpi kta, qa wicaṭe cin ḣwin śni yan najin wicakiyapi kta, qa unkiye unyutokecapi kta.

Ephesos 1:10

Hecen tohan iyehantu kinhan, wokonze kin eciyatanhan taku owasin Messiya en witaya mnaye kta, taku maḣpiya ekta un, qa taku maka akan un kin hena, iye en.

I. Thessalonike 4:16

Iyaśapi wan qa maḣpiya ohnihde itancan wan ho kin, qa Wakantanka maza yahotonpi tanka tawa ko Itancan kin hduha, maḣpiya kin eciyatanhan kun u kta; unkan tona Measiya en ṭapi qon hena tokaheya najinpi kta.

II. Thessalonike 2:1

Mihunkawanji, Jesus Messiya Itancan unkiyapi u kte cin he, qa en mniunkiciyapi kte cin hena on ceunniciyapi ce;

Hebrew 12:19

Qa nakun mazayahotonpi tanka hoton, wicoie ho kin hena koya; he tona naḣonpi qon wicoie kin he akta owicakiyakapi kte śni e icekiyapi.

Wayuotanin 1:20

Wicanḣpi śakowin minape etapa kin ohna wandake ciqon wowiyukcan kin hee, qa mazaskazi petijanjan ihupa kin hena nakun. Wicanḣpi śakowin qon okodakiciye śakowinpi ohnihde yuhapi kin hena eepi; qa petijanjan ihupa śakowin wandake cin okodakiciye śakowinpi kin hena eepi.

Wayuotanin 11:15

Hehan maḣpiya ohnihde iciśakowin kin yahoton, qa maḣpiya kin ekta wicaho tanka hotaninpi, qa heyapi, Itancan unkitawapi qa Messiya tawa kin, maka wokiconze kin tawaye c̣a, ohinniyan en wicaśtayatapi un kta ce.

Wayuotanin 7:1

Unkan hena iyohakam maḣpiya ohnihde topa maka oise topa kin en inajinpi kin wanwicamdaka, maka tate ouye topa kin yuhapi, hecen maka qa miniwanca qa can hiyeye cin wanjidan atateyanpa kte śni.

Wayuotanin 8:2

Unkan maḣpiya ohnihde śakowin Wakantanka itokam najinpi kin wanwicamdaka; qa maza yahotonpi tanka śakowin wicaqupi.