Mattheos 24:27 - Dakota Wowapi Wakan Kin

²⁷ Wakanhdi wiyohiyanpa tanhan u, qa wiyoḣpeyata hehanyan tanin hinhda ece, Wicaśta Cinhintku kin hi kte cin he iyecece kta.

Mattheos 24:27 ပူးပေါင်းရင်းမြစ်များ

Mattheos 16:27

Wicaśta Cinhintku kin iye Atkuku towitan hduha taohnihdewicaye cin em u kta; hehan wicaśta otoiyohi iye oḣanpi kin eciyatanhan wicaqu kta.

Mattheos 16:28

Awicakehan heciciyapi; Tona den najinpi kin etanhan wanjikji wiconṭe utapi kte śni, ecen Wicaśta Cinhintku kin iye tokiconze kin en u wanyakapi kta.

Mattheos 24:26

Heon etanhan; Iho, ḣewotahedan un ce, eniciyapi eśta, ekta yapi śni po; qa, Iho naḣmana un ce, eniciyapi eśta, wicadapi śni po.

Mattheos 24:3

Unkan Oliwe paha kin akan iyotankehan yanka, hehan waonspewicakiye cin iśnana en hipi qa heciyapi; Dena tohan ecetu kta, qa niye yahi kte c̣a maka ihanke kta, taku on sdonyapi kta, he ito unkokiyaka miye.

Mattheos 24:37

Nowa taanpetu qon hena, Wicaśta Cinhintku kin hi kte cin iyecece kta.

Mattheos 24:39

Qa iyukcanpi śni, ecen minitan aye c̣a iyuḣpaihangwicaya: iho, Wicaśta Cinhintku kin u kte cin he iyecece kta.

Mattheos 24:44

Heon etanhan niś eya wiyeya un po; Wicaśta Cinhintku kin wihiyayedan oape tukte wanji en hi kta, he sdonyayapi śni.

Mattheos 8:20

Unkan Jesus heciya; Śungidan waśun tonpi, qa maḣpiya okinyanpi kin hoḣpi yuhapi ece; tuka Wicaśta Cinhintku kin tukten pa ipahinye kta yuhe śni.

Jakob 5:8

Niś eya wacintanka po; cante hdusuta po; Itancan kin u kte cin he wanna kiyedan ihan.

II. Inyan 3:4

Qa heyapi kta; Hi kta keyapi qon he tukte e he; wicahunkake iśtinma iḣpayapi ehantanhan otokaheya tanhan taku owasin tokeca śni wanka ce.