Mattheos 23:8 - Dakota Wowapi Wakan Kin

⁸ Tuka niye, Itancan, eniciyapi kte śni; wanji mdetahunka duhapi, Messiya hee; qa niyepi ewasin hunkawanjinyeciyapi.

Mattheos 23:8 ပူးပေါင်းရင်းမြစ်များ

Mattheos 10:25

Tuka waonspekiyapi kin waonspekiya tawa kin iyececa, qa wowidake un kin yuhe cin iyececa hecinhan hecetu kta. Tipi tawa kin he Beelzebub eciyapi hecinhan, tiyohnake tawa kin iś nakun hewicakiyapi kte śni he.

Mattheos 17:5

Iahan icunhan iho, iyoyanpa maḣpiya wan aowicahanzi, qa iho, maḣpiya kin eciyatanhan wicaho wan heya; Micinkśi waśtewakidake c̣a on iyomakipi ḣince cin he dee ce; anagoptan po

Mattheos 23:10

Qa nakum, Waonspekiye, eniciyapi kte śni; Wanji Waonspekiye duhapi, Messiya hee.

Mattheos 23:7

Qa tihocoka kin en wicayuwintapi, qa, Itancan, Itancan wicaśta ewicakiyapi kta cinpi.

Mattheos 26:25

Unkan Judas wiyopeye kte cin he ayupte c̣a; Itancan, he miye he, eya. Unkan, Niye heha ce, eciya.

Mattheos 26:49

Unkan katinyan Jesus en hi qa, Iho, Itancan, eye c̣a i iputaka.

Markos 10:51

Unkan Jesus waayupte c̣a heciya; Taku ecacicon kta yacin he. Iśtagonge cin; Itancan, watonwe kta, eciya.

Markos 11:21

Unkan Inyan he kiksuye c̣a heciya; Itancan, wanyaka wo, suken can daśice ciqon he wanna śnija.

Markos 14:45

Unkan en hi qehan, ecahankeya en ye c̣a, Itancan, Itancan, eciye c̣a, i itputaka.

Markos 9:5

Hehan Inyan waayupte c̣a Jesus heciya; Itancan, den unyakonpi he waśte; ito wakeya yamni ti unkicagapi kta; wanji niye on, qa wanji Moses, qa wanji Elias unkicagapi kta.

Lukas 22:32

Tuka wacinyaye cin he iyotpani kte śni e wocekiye eciciya; qa tohan niś niyuhomnipi kinhan, nihunkawanji wicahduwaśaka wo, eya.

Johannes 1:38

Henan Jesus ihdamna, qa ihakam upi wanwicayake c̣a hewicakiya; Taku ayakitapi he. Unkan, Itancan, Waonspekiye eyapi kin he kapi, tukten yati he, eciyapi.

Johannes 1:49

Nathanael ayupte c̣a heciya; Itancan, Wakantanka Cinhintku, Israel oyate Wicaśtayatapi kin he niye.

Johannes 11:8

Unkan waonspewicakiye cin heciyapi; Itancan, nahanḣin aśkatudan Juda oyate kin inyan on nicininpi akitapi, qa ake ekta hde wacanni he.

Johannes 20:16

Unkan Jesus heciya, Mary. Unkan iye ihdamna, qa, Rabboni, eciya; he Waonspekiye eyapi.

Johannes 3:2

Hanyetu wan Jesus yanke cin en i qa heciya; Itancan, waonspekiye Wakantanka eciyatanhan u kin henica sdonunniyanpi; taku wapetokeca ecanon ece kin tuwedan hecen okihi śni, Wakantanka kici un śni kinhan.

Johannes 3:26

Unkan Johannes ekta ipi qa heciyapi; Itancan, Jordan wakpa akasanpa tanhan tuwe kici yaun qa daotanin qon he, iho, wanna baptem wicaqu, unkan owasin en ece iyoptapi.

Johannes 4:31

He icunhan waonspewicakiye cin cekiyapi qa, Itancan, wota wo, eciyapi.

Johannes 6:25

Unkan mde kin akasanpa hen iyeyapi qehan, heciyapi; Itancan tohinni den yahi he.

Johannes 9:2

Unkan waonspewicakiye cin wiwangapi qa heyapi; Itancan, tuwe waḣtani he, wicaśta kin de atkuku, hunku, iyeka, wanji tukte waḣtani he, on iśta gonga tonpi he.

II. Korinth 1:24

Wacinyuyapi kin on wowidag unniyanpi śni, tuka widuśkinpi kin en ounniciyapi kta. Wacinyanpi on sutaya nayajinpi ece.

II. Korinth 4:5

Unkiye unkihdaotaninpi śni, tuka Messiya Jesus Itancan kin he unyaotaninpi ece; qa unkiye Jesus on ookiyewicayayapi kin.

Ephesos 3:15

He eciyatanhan wicowazi maḣpiya ekta un, qa maka akan un kin, ocowasin caśtonpi.

Philemon 1:16

Wanna wowidake unpi kin iyecece śni, tuka wowidake kin ikapeya waśte, hunkawanjinkiciyapi waśtekidapi kin iyecen; miś hecen wacin wakiyuze cin, niye iyotan hecen wacin yakiduze kta, wicaceḣpi qa Itancan kin nakun eciyatanhan hunkawanjinyaye kta.

Jakob 3:1

Mihunkawanji, wicota waonspekiya unpi śni po; woyaco iyotan tanka unkicupi kta e sdonyayapi.

I. Inyan 5:3

Wakantanka taku tawa ḣince cin en itancanpi kin iyenicecapi kte śni, tuka optaye kin en waonspekiya yaunpi kta.

Wayuotanin 1:9

Johannes hunkawanjinyayapi, wokakije, qa wokiconze, wowaḣbadan ko, Jesus Messiya tawa kin en, tawaśi yayapi kin he miye; Wakantanka oie qa Jesus Messiya wohdake cin on etanhan, wita wan, Patmos eciyapi, hen waun.

Wayuotanin 19:10

Unkan hehan he siha hdepi kin en makata eḣpemic̣iye c̣a ohowada kta; tuka iye hemakiya, Ihnuhan hecanon kin, miś cici ookiye waun, qa nihunkawanji Jesus yaotanin yuhapi kin hemaca; Wakantanka ohoda wo. Jesus yaotanin kin he wokcanpi woniya kin hee.

Wayuotanin 22:9

Hehan hemakiya, Ihnuhan hecanon kin; miś eya ookiye cici waun, qa nihunkawanji wicaśta wokcanpi kin etanhan waun, qa tona wowapi kin de oie yuhapi kin hena owicawapa; Wakantanka ohoda wo.