Mattheos 23:39 - Dakota Wowapi Wakan Kin

³⁹ Qa heciciyapi; Detanhan tohanyan, Tuwe Itancan caje yuha u kin he yawaśtepi nunwe, ehapi śni, hehanyan wanmayadakapi kte śni.

Mattheos 23:39 ပူးပေါင်းရင်းမြစ်များ

Mattheos 21:9

Qa wicota tokata yapi, qa tona ihakam upi kin, howayapi qa heyapi; Dawid Cinhintku woohiye yuha nunwe. Tuwe Itancan Caje on u kin yawaśtepi nunwe: Maḣpiya ekta woohiye yuha nunwe.

Lukas 17:22

Hehan waonspewicakiye cin hewicakiya; Anpetu wan hiyohi kta, Wicaśta Cinhintku kin anpetu tawa kin wanji wandakapi kta yacinpi kta, tuka wandakapi kte śni.

Johannes 14:19

Wanna ptenyedan kinhan oyate wanmayakapi kte śni, tuka niye wanmayadakapi kta wani waun, qa niś yani yaunpi kte cin heon.

Johannes 14:9

Hehan Jesus heciya; Philip, wanna wanakajatanhan cicipi waun, tuka nahanḣin sdonmayaye śni he; tuwe wanmayake cin he Ateyapi kin wanyaka; hecen tokeca, Ateyapi kin wanyag unyan miye, eha he.

Johannes 8:21

Hehan Jesus ake hewicakiya; Wahde kta, qa omayadepi ecen woaḣtani ehna niṭapi kta; qa tokiya wahde cin heciya dapi kta eśta oyakitpanipi kta.

Johannes 8:24

He etanhan wayaḣtanipi kin en niṭapi kta ce, eciciyapi. He miye kin wicayadapi śni kinhan wayaḣtanipi kin ehna niṭapi kta ce.

Johannes 8:56

Abraham ateyayapi qȯn mitaanpetu kin wanyake kta cin ḣinca; unkan he wanyake c̣a iyuśkin ce, eya.

Roma 11:25

Mihunkawanji, wowiyukcan kin de sdonye śni dukaupi kta wacin śni, okinni ksape nic̣idapi kta; Israel oyate kin apa iśta gonge aya, Ikcewicaśta kin ocowasin en hiyu kte cin hehanyan.