Mattheos 23:38 - Dakota Wowapi Wakan Kin

³⁸ Iho, yatipi kin wanna otiwota eḣpeniciyapi:

Mattheos 23:38 ပူးပေါင်းရင်းမြစ်များ

Mattheos 24:2

Unkan Jesus hewicakiya; Dena owasin wandakapi śni he; awicakehan heciciyapi; Dena inyan wanji inyan itakihna wanke kte śni, owasin yujujupi kta.

Markos 13:14

Tuka tohan wośice woihangye, Daniel wicaśta wokcan cajeyate ciqon, tukten najin kta iyecece śni, hen wandakapi, kinhan, tuwe yawa kinhan okaḣnige kta, hehan tona Juda makoce kin en unpi kin ḣe kin ekta najicapi kta:

Lukas 13:35

Iho, yatipi kin otiwota eḣpeniciyapi: qa, Tohanyan tuwe Itancan caje on u kin he yawaśtepi nunwe, ehapi śni hehanyan wanmayadakapi kte śni, awicakehan eciciyapi ce.

Lukas 21:20

Jerusalem ihdukśan ozuye yankapi wandakapi kinhan, ihangyapi kte cin he wanna kiyadan e sdonya po.

Lukas 21:24

Qa mazasagye ope kin on wankahanpi kta; qa oyate kin owasin ektakta wayaka awicahdapi kta; qa Ikcewicaśta kin Jerusalem naaṭinzapi kta, ecen Ikcewicasta kin taku iyewicakicihantu kta ce.

Lukas 21:6

Anpetu hiyohi kta, en taku wandakapi kin dena inyan nonpa icitakihna wanke śni eḣpeyapi kta ce.