Mattheos 23:37 - Dakota Wowapi Wakan Kin

³⁷ Jerusalem, Jerusalem, wicaśta wokcan wicayakte sa, qa tona niye ekta yewicaśipi qon hena inyan on wiqayakinin ece qon, wahupakoza wan iye cinca ḣupahu ihukuya wicatpahi ece kin, he iyecen wanna ota nicinca wicawapahi kta wacin, tuka niye wicayadapi śni ece.

Mattheos 23:37 ပူးပေါင်းရင်းမြစ်များ

Mattheos 22:3

Unkan wowidake wicayuhe cin hena yewicaśi, tona wakankiciyuzapi en wicakicopi qon hena uwicaśipi kta; tuka upi kta wicadapi śni.

Mattheos 22:6

Qa hunḣ wicakico ipi kin hena wicayuzapi, qa śicaya wicakuwapi qa wicaktepi.

Mattheos 23:30

Qa hehapi; Atewicunyanpi ni unpi he anpetu kin en unyakonpi unkanś, wicaśta wokcan wicaktepi qon en ounpapi kte śni tuka ce.

Mattheos 23:31

Hecen tona wicaśta wokcan wicaktepi qon cincapi kin hena niyepi e onihdakapi ece.

Mattheos 5:12

Wiyuśkinpi qa nina cante waśte po, maḣpiya ekta ocinyopeniyanpi tanka yanka; wicaśta wokcan nitokam unpi qon hena iś eya hecen wicakuwapi qon.

Lukas 15:28

Unkan hecen śihda, qa tin kihde wacin śni: hehan atkuku kin tankan hiyu, qa cekiya.

I. Thessalonike 2:15

Hena e qe Jesus Itancan kin ktepi, qa wicaśta wokcan wicayuhapi qon hena nakun, qa unkiye śicaya unkuwapi, Wakantanka iyokipiyapi śni, qa wicaśta owasin kaśewicayapi:

Wayuotanin 17:6

Unkan wicaśta owotanna we kin winoḣinca kin he iwitko wanmdaka, qa tona Jesus yaotaninpi kin hena we kin on. He wanmdake c̣a nina imanihan waun.