Mattheos 23:34 - Dakota Wowapi Wakan Kin

³⁴ Heon etanhan iho, wicata wokcan, wicaśta ksapa, wowapi kagapi hena koya, niyepi ekta yewicawaśi; unkan etanhan apa wicayaktepi kta, qa icipaweḣ owicayakatanpi kta; qa apa omniciye tipi nitawapi kin ohnahna wicayakapsinpsintapi kta; qa otonwe iyasyaza śicaya wicayakuwapi ece e kta.

Mattheos 23:34 ပူးပေါင်းရင်းမြစ်များ

Mattheos 10:23

Tuka tohan otonwe kin de en śicaya nicuwapi kinhan, wanji tokeca ekta najica po; awicakehan heciciyapi, Israel otonwe tawapi kin iyaza yaunpi kte śni ecen Wicaśta Cinhintku kin hi kta.

Mattheos 13:52

Hehan hewicakiya; Heon etanhan wowapi kaga otoiyohi, maḣpiya wokiconze on onspekiyapi kin, he wicaśta wan tipi yuhe c̣a, mazopiye tawa kin etanhan taku teca tannika ko ikikcu ece kin he iyececa.

Mattheos 23:31

Hecen tona wicaśta wokcan wicaktepi qon cincapi kin hena niyepi e onihdakapi ece.

Lukas 24:47

Qa hecen iye caje kin on ihduecetupi qa woaḣtani kajujupi kin, oyate kin owasin en oyakapi kta, Jerusalem en tokaheya kta.

Johannes 16:2

Omniciye tipi kin etanhan tankan iyeniyanpi kta; nakun anpetu wan u kta, hehan tuwe kaśta niktepi kinhan, he Wakantanka iyokipiya kecin kta.

Johannes 20:21

Wookiye nicipi un nunwe, ake Jesus ewicakiya. Ate u maśi kin he iyecen miś ye ciśipi.

Olianyanpi kin 1:8

Tuka Woniya Wakan kin en nihipi kinhan, wowaśake duhapi kta; hehan Jerusalem en, qa Juda makoce kin owancaya, qa Samaria qa maka ihanke kin hehanyan mayadaotaninpi kta ce.

Olianyanpi kin 11:27

Unkan anpetu kin hena en, wicaśta wokcan Jerusalem etanhan Antiyoka ekta hipi.

Olianyanpi kin 12:2

Qa Jakob Johannes cincu qon he mazasagye on kte.

Olianyanpi kin 13:1

Unkan Antiyoka ekta okodakiciye kin en wicaśta wokcan waonspekiya ko wanjikji yukan; Barnabas, qa Simeon he nakun Niger eciyapi, qa Lukios Kurene etanhan, qa Manaen, Herod wicaśta ihdawa qon kici icage cin hee, qa Salos.

Olianyanpi kin 14:19

Hehan Antiyokaqa Ikonium etanhan Juda wicaśta wanjikji en hipi qa oyate kin iyowicapaśtakapi; hecen Palos inyan on kininpi qa otonwe kin tankan yusdohan ayapi, wanna ṭa kecinpi.

Olianyanpi kin 15:32

Unkan Judas qa Silas wicaśta wokcan kin hecapi, heon hunkawanjin kiciyapi kin oie ota on wahokonwicakiyapi, qa wicayasutapi.

Olianyanpi kin 5:40

Unkan he anagoptanpi, qa yewicaśipi kin wicakipanpi, qa wicakapsinpsintapi qehan, Jesus caje kin on woyake śni wicaśipi, qa wicakiyuśkapi.

I. Korinth 2:6

Tuka tona ksapapi kin hena ekta woksape unkoyakapi ece; tuka wicoicage kin de en wicoksape kin hee śni, qa wicoicage kin de en wicaśtayatapi toksape kin hee śni, hena atakuni śni aya.

I. Korinth 3:10

Wakantanka towaonśida maqupi kin eciyatanhan wicaśta ticaga ksape cin iyecen, taku ahehde kin ewahde, qa he akan wicaśta tokeca tipi kaga; tuka otoiyohi token ticage cin he on waktaya un kte.

Kolosse 1:28

He unkiye unyaotaninpi, wicaśta kin owasin wahokonwicunkiyapi qa wicaśta owasin onspewicunkiyapi ece, woksape owasin on; hecen Jesus Messiya en wicaśta otoiyohi owotanna inajin wicunkiyapi kta.

I. Thessalonike 2:16

Qa Ikcewicaśta nipi kte cin iwahokonwicunkiyapi kta he teḣindapi, qa hecen ohinniyan waḣtanipi kin hduśtanpi kta. Wocantiyahde owihanke aiyahdeya wanna en awicau.

Hebrew 11:37

Inyan on wieakinmpi, canibakse on bawicaksapi, iyutanwicayapi, mazasagye on wicaktepi; taḣinca ha qa tatokadan ha koyag manin unpi; taku owasin icakijapi, kakijapi un qa śicaya wicakuwapi.

Wayuotanin 11:10

Unkan hena on etanhan tona makoce kin en ounyanpi kin magagaic̣iyapi, qa wiyuśkinpi kta, qa taku kicic̣upi kta, waayatapi nom tona maka akan ni un kin kakiświcayapi qon hena on etanhan.