31 Hecen tona wicaśta wokcan wicaktepi qon cincapi kin hena niyepi e onihdakapi ece.
Qa hehapi; Atewicunyanpi ni unpi he anpetu kin en unyakonpi unkanś, wicaśta wokcan wicaktepi qon en ounpapi kte śni tuka ce.
Qa nakun niye niyatepi wicoḣan tawapi kin hena wicayeciyuśtanpi kta.
Heon etanhan iho, wicata wokcan, wicaśta ksapa, wowapi kagapi hena koya, niyepi ekta yewicawaśi; unkan etanhan apa wicayaktepi kta, qa icipaweḣ owicayakatanpi kta; qa apa omniciye tipi nitawapi kin ohnahna wicayakapsinpsintapi kta; qa otonwe iyasyaza śicaya wicayakuwapi ece e kta.
Jerusalem, Jerusalem, wicaśta wokcan wicayakte sa, qa tona niye ekta yewicaśipi qon hena inyan on wiqayakinin ece qon, wahupakoza wan iye cinca ḣupahu ihukuya wicatpahi ece kin, he iyecen wanna ota nicinca wicawapahi kta wacin, tuka niye wicayadapi śni ece.
Unkan heciya; Nii kin eciyatanhan ciyaco kta, ookiye winicaśtaśni; wicaśta maśake cin he sdonyaya; taku ewehnake śni kin he ece emdaku, qa wowaju śni kin hee mduksa ece.