Mattheos 21:11 - Dakota Wowapi Wakan Kin

¹¹ Unkan wicota kin heyapi; Jesus wicaśta wokcan Galile en Nazareth otonwe kin etanhan he dee.

Mattheos 21:11 ပူးပေါင်းရင်းမြစ်များ

Mattheos 2:23

Qa otonwe wan Nazareth eciyapi kin he en hi qa hen yanka; hecen, Nazareth wicaśta eciyapi kta ce, wicaśta wokcan eye ciqon he yuecetupi.

Mattheos 21:10

Unkan Jerusalem en hi qehan otonwe kin ocowasin śkanśkanpi, qa heyapi; De tuwe he.

Mattheos 21:26

Tuka, He wicaśta eciyatanhan, unkeyapi kinhan, oyate kin kowicunkipapi; owasin Johannes wicaśta wokcan heca kecinpi.

Mattheos 21:46

Qa heon yuze wacinpi, tuka oyate kin kowicakipapi; owasin wicaśta wokcan heca kecinpi.

Markos 6:15

Tuka toktokeca heyapi; Elias hee. Qa toktokeca iś; He wicaśta wokcan, qa iś wicaśta wokcan wanji iyececa ce, eyapi.

Lukas 13:33

Takomni anpetu kin de, qa heyakecinhan, nakun iyokihe kin he en mawani kta iyececa; ecaeś Jerusalem itankan wicaśta wokcan wanji ṭe kte pica śni.

Lukas 24:19

Unkan hewicakiya; Hena taku he. Unkan heciyapi; Jesus Nazareth etanhan kin on, he wicaśta wokcan, wicoḣan wicoie ko on waśaka, Wakantanka qa oyate kin owasin wicitokam.

Lukas 7:16

Unkan owasin nina wikopapi, qa Wakantanka yatanpi qa heyapi; Waayate wanji tanka unkiyopeyapi icaga ce, qa Wakantanka taoyate kin wanna wicahiyohi ce, eyapi.

Lukas 7:39

Unkan Pharisee kico qon he wanynke c̣ehan, cante mahen awacin qa heya; Wicaśta kin de wicaśta wokcan unkanś, yutan kin he tuwe qa taku winoḣinca kin sdonye kta tuka; he waḣtani sa kin heca.

Johannes 1:21

Unkan wiwangapi; Nituwe he; Eliyas he niye he. Unkan, He miye śni ce, eya. Wicaśta wokcan kin he niye he, eciyapi. Tuka, Hiya, eya.

Johannes 1:25

Unkan wiwangapi qa heciyapi; Hecen tokeca e baptem wicayaqu he; Messiya he niye śni, qa Eliyas he niye śni, qa wicaśta wokcan kin he niye śni hecinhan.

Johannes 4:19

Hehan winoḣinca kin heciya; Itancan, wicaśta wokcan kin henica imdukcan;

Johannes 6:14

Taku wapetogya Jesus econ kin oyate kin wanyakapi, qa heon heyapi, Wicaśta wokcan itancan oyate en hi kta keyapi qon he wanna dee.

Johannes 7:40

Oyate kin etanhan wicota wicoie kin de naḣonpi qehan, Awicakehan wicaśta wokcan kin he dee ce, eyapi.

Johannes 9:17

Ake wicaśta iśtagonge ciqon heciyapi; Qa niś token eyakiya he, iśta tonweniye cin. Unkan, He wicaśta wokcan kin heca ce, eya.

Olianyanpi kin 7:37

Moses Israel cinca kin; Hunkawanjin wicayayapi etanhan wicaśta wokcan wan miye iyemaceca, Itancan Wankantanka nitawapi kin icaḣniciciyapi kta, he anayagoptanpi kta ce, ewicakiye ciqon he dee.