Mattheos 20:24 - Dakota Wowapi Wakan Kin

²⁴ Unkan wikcemnapi kin hena he naḣonpi qehan sunkakiciyapi nom on śihdapi.

Mattheos 20:24 ပူးပေါင်းရင်းမြစ်များ

Mattheos 20:23

Hehan hewicakiya; Awicakehan wiyatke mitawa kin etanhan datkanpi kta, qa baptem maqupi kte cin heon niś eya baptem nic̣upi kta; tuka ematapa qa camatka tanhan iyotankapi wicaqupi kte cin he miye mitawa śni; tuka Ate tona wiyeya wicakiciyuśtan kinhan hena tawapi kta.

Mattheos 20:25

Tuka Jesus wicakico qa heya; Ikcewicaśta ekta tona itancanpi kin hena oyate wicayuhapi, qa wicaśta tankinyanyanpi kin oyate wowidakewicayapi ece, he sdonyayapi.

Markos 10:14

Tuka Jesus he wanyaka, hehan nina iyokiśice c̣a hewicakiya; Hokśiyoqopapi en maupi kta iyowinwicakiya po, qa teḣindapi śni po; tona dececapi kin Wakantanka tokiconze kin eepi ce.

Markos 10:41

Unkan wikcemna kin he naḣonpi qehan, Jakob qa Johannes nina canniyewicayapi.

Lukas 13:14

Unkan anpetu wakan icunhan Jesus waasniyan kin on etanhan omniciye tipi idake cin he canteptanyan; hecen waayupte, c̣a oyate kin hewicakiya; Wicaśta kin ḣtanipi kte cin anpetu śakpe yukan ce; hecen anpetu kin hena en u po, qa asniniyanpi kta ce; tuka anpetu wakan icunhan upi śni po, eya.

I. Korinth 13:4

Wacantkiyapi kin he wicotawacin tanka qa wowaśte ocowasin. Wacantkiyapi kin he wawinawizi śni. Wacantkiyapi kin he waḣanḣanic̣ida śni, qa ihdatan śni ece;

Philippi 2:3

Waakinicapi qa ihdatanpi kin on takudan ecanonpi kte śni, tuka waḣbayedan yaunpi, qa otoiyohi niye isanpa tokan waśte yecidakapi kta.

Jakob 3:14

Tuka winawizipi pa ḣinca, qa wakinicapi nicantepi kin en duhapi kinhan, ihnuhan widuśkinpi qa wowicake kin on iyatonpi śni kin.

I. Inyan 5:5

Nakun, tona aśkatudan yaunpi kin, hunkawicayapi kin anawicagoptan po: Han, owasin otoiyohi anakicigoptan po, qa wowaḣbadan koyaka po. Tona waḣanic̣idapi kin hena Wakantanka wicakipajin, tuka tona onśikiḣanpi kin hena wowaonśida wicaqu ece.