Mattheos 20:22 - Dakota Wowapi Wakan Kin

²² Tuka Jesus waayupte c̣a heya; Taku yadapi kin sdonyakiyapi śni. Wiyutke etanhan mdatke kte cin he etanhan yatkan oyakihipi he; qa baptem maqupi kte cin he niś eya nic̣upi kta oyakihipi he. Unkan, Unkokihipi ce, eciyapi.

Mattheos 20:22 ပူးပေါင်းရင်းမြစ်များ

Mattheos 26:35

Inyan heciya; Nici maṭa eśta anaciḣbe kte śni. Waonspewicakiye cin iyuḣpa nakun iyecen eyapi.

Mattheos 26:39

Unkan hetanhan kitan ecinyan iyoopte iyaye c̣a makata eḣpeic̣iya, cekiye c̣a heya; Ate, okihipica kinhan, wiyatke kin de tokan imiciyaye kta; tuka miye wacin kin hee śni, niye token yacin kin hee ecetu kte.

Mattheos 26:42

Ake inonpa ekta iyaye c̣a cekiye c̣a heya; Ate, wiyatke kin de mdatke śni tokan imiciyaye kta okihipica śni kinhan, nitawacin ecen econpi nunwe.

Mattheos 26:56

Tuka dena owasin econpi, wicaśta wokcan taku owapi qon he yuecetupi kta heon. Hehan waonspewicakiye cin owasin eḣpeyapi qa najicapi.

Markos 14:36

Unkan heya; Abba, Ate, niye ekta taku owasin okihipica; wiyatke kin de emiciyaku wo; tuka miś taku wacin kin hee kte śni, taku yacin kin he hecetu kta.

Lukas 12:50

Tuka baptem wanji on baptem maqupi kta; qa he tohanyan yuśtanpi śni hehanyan aoṭinsmayanpi ce.

Lukas 22:42

Qa heya; Ate hecen nitawacin kinhan, miniyatkan kin de tokan imiciyaye kta; tuka miye mitawacin kin hee śni, niye nitawacin kin hee ecen econpi nunwe.

Johannes 18:11

Hehan Jesus Inyan heciya; Mazasagye nitawa ojuha en iyekiya wo. Wiyatke Ate maqu kin he mdatke kte śni he.

Roma 8:26

Qa nakun Woniya kin iś waunsakapi śni kin en icunhan ounkiyapi ece. Token woeekiye unkeyapi kte cin sdonunkiyapi śni, tuka Woniya kin e qe unkiyepi on wocekiye eya, howayapi oyagpica śni kin on.

Jakob 4:3

Yadapi tuka iyacupi śni ece, ecinśniyan yadapi kin on, cantiheyayapi śica on dusotapi kte cin heon.