Mattheos 2:13 - Dakota Wowapi Wakan Kin

¹³ Hena wanna kihdapi hehan, iho, Itancan taohnihde wan wowihanmde on Joseph en ihdutanin qa heya; Najin qa hokiśyoqopa hunku kici iwicacu qa Egupta ekta najica wo, qa tohan ociciyake kte cin hehanyan hen un wo: Herod hokśyoqopa kin kte wacin on etanhan ode kta ce.

Mattheos 2:13 ပူးပေါင်းရင်းမြစ်များ

Mattheos 1:20

Tuka hena hecen awacin un qehan, iho, Itancan taohnihde wan wowihanmde en ihdutanin qa heya; Joseph, Dawid cinhintku, Mary winoḣinca nitawa kin he yahduze kta kokipe śni wo, taku itpihnake cin he Woniya Wakan kin etanhan.

Mattheos 10:23

Tuka tohan otonwe kin de en śicaya nicuwapi kinhan, wanji tokeca ekta najica po; awicakehan heciciyapi, Israel otonwe tawapi kin iyaza yaunpi kte śni ecen Wicaśta Cinhintku kin hi kta.

Mattheos 2:12

Unkan wowihanmde on Wakantanka wahowicaya, Herod ekta hdapi kte śni, hehan canku tokeca ohna iye tamakoce ekta hdapi.

Mattheos 2:14

Hecen hanyen najin hiyaye, c̣a hokśiyoqopa hunku kici ewicahdaku, qa Egupta ekta iyaya:

Mattheos 2:16

Wicaśta ksapapi qon Herod hnayanpi wanhdake c̣ehan nina śihda; qa akicita ekta yewicaśi, qa Bethlehem qa makoce ihdukśan koya en, hokśiyopa owasin wicakte, tona waniyetu nonpa qa ihukuya, wicaśta ksapapi wiwicawange ciqon he iyacinyan.

Mattheos 2:22

Qa Arcelaos, Juda makoce kin en, atkuku Herod tohe kin en wicaśtayatapi yanka he naḣon hehan ekta hde kta kokipa; tuka wowihanmde on Wakantanka wahoye cin on, Galile makoce kin ekta iyaya:

Olianyanpi kin 10:22

Unkan iś heyapi; Kornelios akicita opawinge wicayuhe cin, wicaśta owotanna, qa Wakantanka kokipeyahan un he Juda oyate kin iyuḣpa oyakapi, hee maḣpiya ohnihde wakan wan okiye c̣a, tuwe nihuwe u wicaśi, qa iye ti kin ohna nioie kin naḣon kta, keya ce, eyapi.

Olianyanpi kin 10:7

Unkan maḣpiya ohnihde Kornelios okiye cin he wanna kihda, hehan tiawanyag wicakiye cin nom, qa akicita waśte ohinniyan tankiyadan wicahduhe cin wanjidan, hena wicakico;

Olianyanpi kin 12:11

Unkan Inyan kiksuya hinhda qa heya; Nakaha awicakehan Itancan kin ohnihde tawa kin u śi, qa Herod nape kin, Juda oyate apepi ko, owasin etanhan emahdaku e sdonwakiya ce.

Olianyanpi kin 12:7

Unkan inyun, Itancan taohnihdeye cin en hi, qa ojanjan wan wicakaśka tipi kin en iyoyanpa; unkan Inyan cuwi kin en ape c̣a najin kiye c̣a heya; Kohanna najin wo. Unkan maza icicaḣiḣa kin nape kin etanhan hinḣpaya.

Olianyanpi kin 16:36

Unkan wicakaśka tipi awanyake cin, hena oie kin Palos okiyake c̣a, Itancan wicakiyapi kin niciyuśkapi kta keya hośi hipi, heon etanhan tankan kinanpapi, qa wookiye hda po, eya.

Olianyanpi kin 5:19

Tuka Itancan taohnihde ye cin he hanyen wicakaśka tipi tiyopa kin yuzamni, qa tankan awicau qa heya;

Olianyanpi kin 7:19

Unkan he qe takuwicunyanpi kin wicahnaye c̣a, hunkake wicunyanpi kin śicaya ecawicakicon, hecen hokśiyoqopa kin nipi kte śni e tankan eḣpewicakiyapi qon.

Wayuotanin 12:14

Unkan winoḣinca kin he wanmdi tanka ḣupahu tawa nom qupi, on ḣewoskan makoce tukten ti kte cin heci kinyan iyaye kta, heciya waniyetu yamni qa wanji hanke hehanyan wonyapi kta, wamduśka itohnake kin itehanyan.

Wayuotanin 12:4

Qa sinte kin on maḣpiya wicanḣpi iyamnimni kin iwicacu, qa maka kin ekta eḣpewicaya. Unkan wamduśka kin he winoḣinca hokśiksuye cin itokam najin, cinca ton kinhan temye kta.

Wayuotanin 12:6

Unkan winoḣinca kin he ḣewoskan makoce kin ekta napa, heciya Wakantanka taku wiyeya ekicihnaka, qa hen anpetu kektopawinge sanpa opawinge nonpa sam wikcemna śakpe hehanyan wonyapi kta.