Mattheos 19:28 - Dakota Wowapi Wakan Kin

²⁸ Unkan Jesus hewicakiya; Awicakehan heciciyapi; Niyepi tona teca ni en wicatonpi kin de en omayapapi kin, tohan Wicaśta Cinhintku kin wowitan oiyotanke tawa kin en kiyotanke cinhan, niś eya oiyotanke akenonpa akan idotankapi kta, qa Israel wicoun akenonpa wicadacopi kta ce.

Mattheos 19:28 ပူးပေါင်းရင်းမြစ်များ

Mattheos 16:27

Wicaśta Cinhintku kin iye Atkuku towitan hduha taohnihdewicaye cin em u kta; hehan wicaśta otoiyohi iye oḣanpi kin eciyatanhan wicaqu kta.

Mattheos 19:27

Hehan Inyan ayupte ca heciya; Iho, taku owasin eḣpeunyanpi qa nihakam unyakonpi; hecen taku unhapi kta he.

Mattheos 20:21

Unkan iye heciya; Taku yacin he. Hehan heciya; Micinkśi kin denaoza wokiconze nitawa en, unma nietapa ekta iyotanke kta, qa unma iś canitka en iyotanke kta, keya ye.

Mattheos 25:31

Tohan Wicaśta Cinhintku kin wowitan hduha, ohnihdewicaya wakan kin owasin om u kinhan, hehan wowitan oiyotanke tawa kin en kiyotanke kta:

Mattheos 6:33

Tuka Wakantanka tokiconze kin he tokaheya akita po, qa toowotanna nakun; kinhan dena taku owasin koya nic̣upi kta.

Mattheos 8:20

Unkan Jesus heciya; Śungidan waśun tonpi, qa maḣpiya okinyanpi kin hoḣpi yuhapi ece; tuka Wicaśta Cinhintku kin tukten pa ipahinye kta yuhe śni.

Markos 10:37

Unkan heciyapi; Nitowitan kin en, wanji nietapa qa unma nicatka tanhan unkiyotankapi kta e unqu po.

Olianyanpi kin 3:21

He qe maḣpiya kin ekta eyakupi kta, taku owasin ekicetuyapi kta anpetu kin hehanyan, Wakantanka maka icage cin hetanhan wicaśta wokcan wakan wicahduhe cin owasin i kin eciyatanhan oyake ciqon hee.

II. Timotheos 2:12

Iye on unkakijapi kinhan, kici wicaśtayatapi unyakonpi kta. Qa unkiye eḣpeunyanpi kinhan, iś eya eḣpeunyanpi kta.

II. Inyan 3:13

Hececa eśta, unkiye, iye wahounyanpi kin eciyatanhan, maḣpiya teca qa maka teca en woowotanna ounye cin he wanunyakapi kta e unkapepi.

Wayuotanin 11:16

Hehan hunkawicayapi wikcemna nonpa sanpa topa, Wakantanka itokam oiyotanke kin akan kiyotankapi kin, hena makata eḣpeic̣iyapi, qa Wakantanka ohodapi;

Wayuotanin 12:1

Unkan maḣpiya kin ekta wowapetokeca tanka wan tanin: Winoḣinca wan anpetu wi kin koyake c̣a, hanyetu wi kin siha kin ihukuya, qa pa kin en wicanḣpi ake nonpa wapaha kiya.

Wayuotanin 20:4

Unkan oiyotanke kin heca wanmdaka, qa tona akan iyotankapi kin hena woyaco yuhapi. Unkan tona Jesus oyakapi kin on, qa Wakantanka oie kin on pa bawicaksapi qon, wamanica kin wakagapi ko ohodapi śni, qa wowapetogton tawa kin itepi, qa napepi kin en yuhapi śni, hena nagipi kin wanwicamdaka, ake kinipi qa Messiya kin kici ounyanpi, waniyetu kektopawinge hehanyan.

Wayuotanin 21:5

Unkan tuwe oiyotanke kin akan kiyotanke cin he, Ito taku owasin teca wakaga ce, eya. Hehan, Wowapi ecen kaga wo, hena oie kin wicake c̣a owotanna, emakiya.

Wayuotanin 22:2

Unkan canku cokaya, qa wakpa kin anokatanhan wiconi can kin icaga, he waskuyeca ocaje ake nonpa aicaga, wi otoiyohi waskuyeca aicaḣya ece; qa can wapa kin hena oyate kin okizi wicaya ece.

Wayuotanin 22:5

Qa heciya hanyetu wanice kta; qa petijanjan qa anpetu wi iyoyanpa kin he cinpi śni; Itancan Wakantanka iyoyamwicaya ece; qa ohinniyan owihanke wanin wicaśtayatapi ounyanpi kta.

Wayuotanin 3:21

Tuwe ohiye cinhan he oiyotanke mitawa kin akan mici iyotanke wakiye kta, miye ohiwaye c̣a Ate oiyotanke tawa kin akan weci imdotanke cin he iyecen.

Wayuotanin 4:4

Qa oiyotanke kin ihdukśan oyanke wikcemna nonpa sam topa wanka; qa oyanke kin hena en hunkawicayapi wikcemna nonpa sam topa iyotankapi, qa wokoyake ska koyakapi e wanmdaka; qa pa kin en mazaskazi teśdakapi.

Wayuotanin 7:4

Unkan tona wapetog wicatonpi wicayawapi kin nawaḣon, Israel cincapi wicoun owasin etanhan kektopawinge opawinge sam kektopawinge wikcemna topa sanpa kektopawinge topa wapetog wicatonpi.