Mattheos 17:27 - Dakota Wowapi Wakan Kin

²⁷ Tuka śihda wicunyanpi kte śni, e heon niś mde kin ekta ye c̣a hinśkijupi wan minin iyeya wo, qa hogan tokaheya hiyu kin he icu wo; he i kin dukawa kinhan ohna kangi kagapi wan iyeyaye kta; he icu qa miye qa niye on wicaqu wo.

Mattheos 17:27 ပူးပေါင်းရင်းမြစ်များ

Mattheos 17:26

Wicaśta tokecapi etanhan, Inyan eya. Unkan Jesus heciya; Henan cincapi kin wicakaśkapi śni ece:

Mattheos 18:6

Qa tuwe hokśiyoqopa kin dena, wacinmayanpi kin, wanji waḣtanikiye cinhan, he inyan wiyutpan wan tahu en iyakaśkapi, qa iye miniwanca ośbe kin en iyoḣpeyapi unkanś waśte kta tuka.

Mattheos 18:8

Heon etanhan, ninape qa nisiha waḣtaniniyanpi hecinhan, hena hdakse c̣a eḣpeya wo; huha kaksapi wiconi en yai kta hee waśte, qa nape nonpa qa siha nonpa hduha peta owihanke wanica en iyoḣpeniyanpi kte cin he śica.

Mattheos 5:29

Niiśta etapa eciyatanhan kin he waḣtaniniye cinhan hduśdoke c̣a eḣpeya wo; niiśta wanji atakuniśni kinhan he waśte kta, qa tancan ocowasin Wakanśica ti kin en ehpeniyanpi kte śni.

Mattheos 5:30

Qa ninape etapa kin waḣtaniniye cinhan hdakse c̣a eḣpeya wo; nihuha wanjidan atakuniśni kinhan he waśte kta, qa tancan ocowasin Wakanśica ti kin en iyoḣpeniyanpi kte śni.

Markos 9:42

Qa tuwe dena cikcistinpidan wacinmayanpi kin wanji waḣtanikiye cinhan, tahu en inyan wiyutpan wan iyakaśkapi qa miniwanca kin en eḣpeyapi unkanś, he waśte kta tuka.

Markos 9:43

Qa ninape waḣtaniniye cinhan hdaksa wo; nape ksa wiconi kin en yai kinhan hee waśte kta, qa nape napin hduha Wakanśica ti, peta icimana kasnipi kte śni kin en iyoḣpeniyanpi kte śni.

Lukas 17:2

Dena cikcistinpidan kin tuwe wanji waḣtaniye cinhan he inyan wiyukpan wanji tahu kin en napinkiyapi, qa miniyowanca kin oiyoḣpeyapi unkanś, eeś waśte kta tuka.

Johannes 6:61

Unkan Jesus waonspewicakiye cin hena heya ajijipi kin, iye atayedan sdonye c̣a hewicakiya; Tokeca de iyanipaṭopi he.

Roma 14:21

Waconica yutapi śni, qa mini śa yatkanpi śni, qa taku tokeca on etanhan nihunkawanji ḣicahe c̣a, wahtani, qa waśake śni aye cin, hena econpi śni kinhan he waśte.

I. Korinth 8:13

Heon etanhan woyute kin mihunkawanji waḣtaniye cinhan, ohinniyan tado wate śni waun kta, okinni mihunkawanji waḣtaniwaye kta.

I. Korinth 8:9

Tuka ihnuhan wawoyakihipi kin de tona waśake śni un kin hena en wonahnaye kte cin.

II. Korinth 6:3

Takudan on tuwedan ibotounyanpi śni, hecen wawokiyapi kin he bapi kte śni:

II. Korinth 8:9

Jesus Messiya Itancan unkiyapi towaonśida kin he sdonyayapi, watonka tuka niyepi on waḣpaniic̣iya, hecen iye waḣpanica kin on winijicapi kta.

I. Thessalonike 5:22

Taku śica ocaje owasin nakicipa po.

Jakob 2:5

Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.