Mattheos 17:21 - Dakota Wowapi Wakan Kin

²¹ Tuka taku decece cin he cekiyapi qa wote śni unpi ecedan on tankan hinanpa ece.

Mattheos 17:21 ပူးပေါင်းရင်းမြစ်များ

Mattheos 12:45

Hehan iyaye c̣a woniya tokeca śakowin iye isanpa śicapi, hena iwicacu qa om mahen iyaya, qa ohna yukanpi; unkan wicaśta kin he hetanhan teḣiya un, tokaheya un qon isanpa. Wicoicage śice cin de hecece kta.

Mattheos 17:22

Unkan Galile en unpi icunhan Jesus hewicakiya; Wicaśta Cinhintku kin wanna ecadan wicaśta napepi kin en wicaqupi kta.

Markos 9:29

Unkan hewicakiya; Ocaje kin de wote śni cekiyapi kin ecedan on tankan hiyu kta okihi ece.

Olianyanpi kin 13:2

Hehan Itancan kin cekiyapi qa wote śni unpi kin icunhan, Woniya Wakan kin heya; Barnabas Salos kici wokicanye iwicaweco kin heon ewicamicihde po, eya.

Olianyanpi kin 14:23

Unkah okodakiciye otoiyohi en hunka wicayapi kin wicakagapi, qa wote śni wocekiye eyapi qehan, Itancan wicadapi qon he awanwicahdake kta e icekiyapi.

I. Korinth 7:5

Otoiyohi tancan eḣpekiciyapi śni po, ptecedan hehanyan, napin wicayadapi kinhan heceedan, takudan yute śni qa wocekiye eyapi kin en ocowasin yenic̣iyapi kte cin heon, kinhan ake napin yahdapi kta, unmana kinhan oic̣ihipi śni kin on Satan iyutanniyanpi kta naceca.

II. Korinth 11:27

Mdowakiṭa qa nina ḣtawani kin on, ota kiktahan waun kin on, wotektewahda qa imapuza on, ijehan amakiḣan kin on, macuwita qa tancodan waun kin on;

Ephesos 6:18

Wocekiye qa wokidapi owasin on Woniya kin en, ohinniyan tona owotanna un kin on cekiya po, qa heon woape owasin wokidapi ko yuha kiktahan un po: