Mattheos 16:28 - Dakota Wowapi Wakan Kin

²⁸ Awicakehan heciciyapi; Tona den najinpi kin etanhan wanjikji wiconṭe utapi kte śni, ecen Wicaśta Cinhintku kin iye tokiconze kin en u wanyakapi kta.

Mattheos 16:28 ပူးပေါင်းရင်းမြစ်များ

Mattheos 10:23

Tuka tohan otonwe kin de en śicaya nicuwapi kinhan, wanji tokeca ekta najica po; awicakehan heciciyapi, Israel otonwe tawapi kin iyaza yaunpi kte śni ecen Wicaśta Cinhintku kin hi kta.

Mattheos 16:13

Jesus Kesarea Philippi makoce kin en i qehan waonapewicakiye cin wiwicawange qa heya; Wicaśta Cinhintku kin miye matuwe kin, wicaśta keyapi he.

Mattheos 24:3

Unkan Oliwe paha kin akan iyotankehan yanka, hehan waonspewicakiye cin iśnana en hipi qa heciyapi; Dena tohan ecetu kta, qa niye yahi kte c̣a maka ihanke kta, taku on sdonyapi kta, he ito unkokiyaka miye.

Mattheos 24:34

Awicakehan heciciyapi; Wicoicage kin de ihanke kte śni, ecen dena owasin ecetu kta.

Mattheos 24:42

Heon etanhan waktaya un po, wihiyayedan oape tukte en Itancan nitawapi u kta sdonyayapi śni.

Mattheos 26:64

Unkan Jesus heciya; Niye ecen eha; tuka nakun heciciyapi; Tokata ekta Wicaśta Cinhintku kin wowaśake etapa eciyatanhan iyotanka qa maḣpiya śapa akan u wandakapi kta.

Mattheos 8:20

Unkan Jesus heciya; Śungidan waśun tonpi, qa maḣpiya okinyanpi kin hoḣpi yuhapi ece; tuka Wicaśta Cinhintku kin tukten pa ipahinye kta yuhe śni.

Markos 13:26

Unkan hehan Wicaśta Cinhintku kin wowaśake tanka wowitan ko hduha maḣpiya śapa akan u wandakapi kta.

Markos 8:38

Heon etanhan tuwe, wicoicage wiinaḣman qa waḣtani sa kin de en, miye qa mioie kin on iśtece cinhan, tohan Wicaśta Cinhintku kin iye Atkuku towitan hduha, ohnihde wakan kin om u kinhan, wicaśta kin he on iśtece kta ce.

Markos 9:1

Hehan hewicakiya; Awicakehan heciciyapi; den najinpi etanhan wanjikji wiconṭe utapi śni itokam, Wakantanka tokiconze wowaśake on hi wanyakapi kta.

Lukas 18:8

Ihnuhanna towicakicic̣on kta, eciciyapi ce. Tuka Wicaśta Cinhintku kin he tohan hi kinhan, maka akan wacinyanpi iyeye kta he.

Lukas 2:26

Unkan he ṭe śni itokam Itancan Messiya tawa kin he wanyake kta, Woniya Wakan kin okiyaka.

Lukas 9:27

Tuka awicakehan heciciyapi; Den najinpi kin apa Wakantanka tokiconze kin tohanyan wanyakapi śni kin hehanyan ṭapi kte śni.

Johannes 21:22

Ake tohan wahi kte cin hehanyan decen un kta wacin eśta, he etanhan initokeca he; niye miyahna u wo, Jesus eciya.

Johannes 8:51

Wowicake, wowicake eciyatanhan heciciyapi, Tuwe mioie kin de yuhe cinhan, tohinni wiconṭe wanyake kte śni, eya.

Johannes 8:52

Hehan Juda oyate kin heciyapi; Wakanśica niyuhnaśkinyan e dehan iyotan sdonunyanpi. Abraham hee kaeś ṭa, qa wokcanpi kin hena nakun ṭapi; tuka niye, Tuwe mioie yuhe cinhan tohinni wiconṭe ute kte śni ce, eha ce.

Olianyanpi kin 1:11

Qa, Galile wicaśta, tokeca e maḣpiya ekta etonwan nayajinpi he. Jesus e qe niyepi etanhan maḣpiya ekta eyakupi kin, he maḣpiya ekta wankan iyaya wandakapi kin he iyecen ake u kta, ewicakiyapi.

I. Korinth 15:23

Tuka otoiyohi tohan iyeitantu kinhan; Messiya e tokaheya, qa hehan tona tawa kin hena, Messiya ake hi kinhan.

I. Thessalonike 1:10

Qa iye Cinhintku kin maḣpiya eciyatanhan u ayapepi kta, he wiconṭe etanhan najin kiya, Jesus wocanniye u kte cin etanhan eunhdakupi kin hee.

Hebrew 2:9

Tuka Jesus wiconṭe kakijapi kin on, maḣpiya ohnihde kin kitanna ihukuya kagapi kin he wowitan, woyuonihan ko wateśdag kiton kin he wanunyakapi, hecen iye, Wakantanka towaonśida kin eciyatanhan, wicaśta kin owasin on wiconṭe sdonye kta.

Jakob 5:7

Heon etanhan, mihunkawanji, Itancan kin hi kte cin hehanyan wacintanka po. Wanyaka po, wicaśta woju ece kin he maka waskuyeca waśte aicage cin hena ape yanke c̣a, on tehan wacintanka, magaju tokaheya qa nakun ehake kin ahinhe kte cin hehanyan.

II. Inyan 1:16

Jesus Messiya Itancan unkiyapi towaśake qa hi kte cin hena unkoniciyakapi qehan, hitunkakanpi ksamya kagapi kin unkunpi śni, tuka iye tanka ḣince cin he iśta on wanunyakapi.

I. Johannes 2:28

Unkan dehan, hokśiyopa cikcistinpidan, iye kici un po; hecen tohan iye ihdutanin kinhan wacinunyanpi kta, qa taninyan hinajin kinhan, itokam unkiśtecapi kte śni.