Mattheos 16:27 - Dakota Wowapi Wakan Kin

²⁷ Wicaśta Cinhintku kin iye Atkuku towitan hduha taohnihdewicaye cin em u kta; hehan wicaśta otoiyohi iye oḣanpi kin eciyatanhan wicaqu kta.

Mattheos 16:27 ပူးပေါင်းရင်းမြစ်များ

Mattheos 13:41

Wicaśta Cinhintku kin tona ohnihdewicaye cin hena yewicaśi kta; unkan tokiconze kin etanhan tona waḣtanipi qa taku śica econpi kin owasin pahipi kta:

Mattheos 13:49

Maka owihanke kinhan he iyecece kta; hehan maḣpiya ohnihde kin upi kta, qa tona śice cin owotanna unpi kin wiciyopeyapi kin hena iwicacupi kta;

Mattheos 24:30

Unkan hehan maḣpiya en, Wicaśta Cinhintku kin wowakta tawa kin tanin kta. Hehan maka akan oyate owasin nihinciyapi kta, qa Wicaśta Cinhintku kin wowaśake qa wowitan tanka hduha, maḣpiya śapa akan u wanyakapi kta.

Mattheos 25:31

Tohan Wicaśta Cinhintku kin wowitan hduha, ohnihdewicaya wakan kin owasin om u kinhan, hehan wowitan oiyotanke tawa kin en kiyotanke kta:

Mattheos 26:64

Unkan Jesus heciya; Niye ecen eha; tuka nakun heciciyapi; Tokata ekta Wicaśta Cinhintku kin wowaśake etapa eciyatanhan iyotanka qa maḣpiya śapa akan u wandakapi kta.

Mattheos 8:20

Unkan Jesus heciya; Śungidan waśun tonpi, qa maḣpiya okinyanpi kin hoḣpi yuhapi ece; tuka Wicaśta Cinhintku kin tukten pa ipahinye kta yuhe śni.

Markos 14:62

Unkan Jesus heya; He miye; qa Wicaśta Cinhintku kin wowaśake etapa eciyatanhan iyotanke c̣a, maḣpiya śapa akan u wandakapi kta ce.

Markos 8:38

Heon etanhan tuwe, wicoicage wiinaḣman qa waḣtani sa kin de en, miye qa mioie kin on iśtece cinhan, tohan Wicaśta Cinhintku kin iye Atkuku towitan hduha, ohnihde wakan kin om u kinhan, wicaśta kin he on iśtece kta ce.

Lukas 21:27

Hehan Wicaśta Cinhintku kin maḣpiya śapa wan akan, wowaśake qa wookitanin tanka hduha u wandakapi kta.

Lukas 22:69

De iyohakam Wicaśta Cinhintku kin Wakantanka towaśake etapa kin eciyatanhan iyotanke kta ce, eya.

Lukas 9:26

Tuwe miye qa mioie kin on iśtece cinhan, hee on Wicaśta Cinhintku kin iśtece kta, tohan iye towitan, qa Atkuku tawa qa taohnihde wakan tawapi kin hduha u kinhan.

Johannes 21:22

Ake tohan wahi kte cin hehanyan decen un kta wacin eśta, he etanhan initokeca he; niye miyahna u wo, Jesus eciya.

Johannes 21:23

Heon etanhan wicoie kin de hunkawanjinkiciyapi kin wicehna iyaya; waonspekiyapi kin de te kte śni, eyapi kin. Tuka Jesus, He te kte śni ce, eciye śni; tuka, Wahi kte cin hehanyan decen un kta, wacin eśta, he etanhan initokeca he.

Olianyanpi kin 1:11

Qa, Galile wicaśta, tokeca e maḣpiya ekta etonwan nayajinpi he. Jesus e qe niyepi etanhan maḣpiya ekta eyakupi kin, he maḣpiya ekta wankan iyaya wandakapi kin he iyecen ake u kta, ewicakiyapi.

Roma 14:12

Heon etanhan unkiyepi otoiyohi Wakantanka kin en wounhdakapi kta.

Roma 2:6

He wicaśta otoiyohi rye oḣan kin eciyatanhan wicakicu ece e kta:

I. Korinth 15:23

Tuka otoiyohi tohan iyeitantu kinhan; Messiya e tokaheya, qa hehan tona tawa kin hena, Messiya ake hi kinhan.

I. Korinth 3:13

Otoiyohi oḣan kin atanin kta; anpetu kin he yuotanin kta, peta on yuotaninyan aye kta; qa peta kin otoiyohi oḣan kin he taku kin iyukcan kta.

I. Korinth 8:8

Taku untapi kin eciyatanhan Wakantanka iyokipi unyanpi śni; wauntapi kinhan heon etanhan sanpa unwaśtepi śni, qa wauntapi śni kinhan heon sanpa unśicapi śni.

II. Korinth 5:10

Owasin Messiya tawoyaco oiyotanke kin itokam taninyan inaunjinpi kta, otoiyohi taku iye tancan kin ohna oḣanye cin hena icu kta, token econ qon eciyatanhan, he waśte qa śica unma tukte kaśta.

Ephesos 6:8

Qa tuwe taku waśte econ kinhan, he on Itancan kin eciyatanhan wayuhe kta, wowidake un, qa iś tawaiciya un kin, unma tukte kaśta, he sdonyayapi.

Kolosse 3:25

Tuka tuwe śicaya econ kinhan, he eciyatanhan icu kta, qa wicaśta itohnake iwanyakapi kin wanica.

I. Thessalonike 1:10

Qa iye Cinhintku kin maḣpiya eciyatanhan u ayapepi kta, he wiconṭe etanhan najin kiya, Jesus wocanniye u kte cin etanhan eunhdakupi kin hee.

I. Thessalonike 4:16

Iyaśapi wan qa maḣpiya ohnihde itancan wan ho kin, qa Wakantanka maza yahotonpi tanka tawa ko Itancan kin hduha, maḣpiya kin eciyatanhan kun u kta; unkan tona Measiya en ṭapi qon hena tokaheya najinpi kta.

Jakob 5:7

Heon etanhan, mihunkawanji, Itancan kin hi kte cin hehanyan wacintanka po. Wanyaka po, wicaśta woju ece kin he maka waskuyeca waśte aicage cin hena ape yanke c̣a, on tehan wacintanka, magaju tokaheya qa nakun ehake kin ahinhe kte cin hehanyan.

I. Inyan 1:17

Qa Ateyapi kin wicaśta itohnake iwanyake śni wicaśta otoiyohi iye oḣan kin eciyatanhan wicayukcan ece kin he hoyeyakiyapi kinhan, tohanyan den unhdaka yaunpi kin kokipeyahan un po.

I. Johannes 2:28

Unkan dehan, hokśiyopa cikcistinpidan, iye kici un po; hecen tohan iye ihdutanin kinhan wacinunyanpi kta, qa taninyan hinajin kinhan, itokam unkiśtecapi kte śni.

Judas 1:14

Henok Adam etanhan wicaśta iśakowin qon he itokam hena owicayake c̣a heya; Wanyaka po; Itancan kin wicaśta waśte wicayuhe cin woyawa tanka om u ce;

Wayuotanin 1:7

Wanyaka po, maḣpiya śapa kin akan u; unkan wiciśta owasin wanyakapi kta, qa tona he capapi qon hena nakan, qa iye on oyate maka ohnaka kin owasin aic̣ipapi kta. Hecetu nunwe. Amen.

Wayuotanin 2:23

Qa iye cinca kin wiconṭe on wicawakte kta; qa okodakiciye kin owasin, tuwe wicapakśin wicacante ko iyukcan kin he miye e sdonyapi kta. Qa niyepi kin otoiyohi nioḣanpi kin eciyatanhan cic̣upi kta.

Wayuotanin 20:12

Qa wicaṭe ciqon, cistinpidan tankinkinyanpi ko, hena Wakantanka itokam najinpi, wanmdaka. Unkan wowapi kin yumdayapi; qa wowapi tokeca wan yumdayapi, wiconi wowapi kin hee: Qa wicaṭe ciqon token wowapi kin en kagapi kin he iyecen wicayacopi, iye wicoḣan kin eciyatanhan.