Mattheos 16:17 - Dakota Wowapi Wakan Kin

¹⁷ Unkan Jesus ayupte c̣a heciya; Simon Jona cinhintku niyawaśtepi ce; wicaceḣpi qa wicawe kin he oniciyake śni, tuka Ate maḣpiya ekta un kin he oniciyaka

Mattheos 16:17 ပူးပေါင်းရင်းမြစ်များ

Lukas 22:32

Tuka wacinyaye cin he iyotpani kte śni e wocekiye eciciya; qa tohan niś niyuhomnipi kinhan, nihunkawanji wicahduwaśaka wo, eya.

Johannes 1:42

Qa Jesus ekta ai. Unkan Jesus wanyake c̣ehan heya; Simon Jona cinhintku kin he niye: Kephas eniciyapi kta, he Inyan eyapi kin hee.

Johannes 6:45

Unkan owasin Wakantanka eciyatanhan onspewicakiyapi kta ce, wicaśta wokcan kin en cya owapi qon. Heon tona Ate waonspewicakiye c̣a anagoptanpi kin hena owasin en maupi kta.

I. Korinth 15:50

Mihunkawanji kaken epa; Wicaceḣpi qa wicawe kih Wakantanka tokiconze kin tawapi kta okihipi śni, qa nakun wicaḣwin wicaḣwin kte śni kin tawa kte śni.

Galatia 1:16

Iye Cinhintku kin sdonye mayan iyokipi qehan, Ikcewicaśta wotanin waśte kin owicawakiyake kte cin heon, kohanna wicaceḣpi, wicawe ko, kici wowahdake śni:

Ephesos 2:8

Wowaonśida kin on yanipi, wacinyanpi kin eciyatanhan, qa he niyepi kin etanhan śni, Wakantanka taku nic̣upi kin hee.

Ephesos 3:5

He wicoicage tokeca kin en wicaśta cinca kin owicakiyakapi śni, tuka nakaha Woniya kin eciyatanhan, yewicaśipi owotanna qa wicaśta wokcan tawawicaye cin hena owicakiyakapi kin iyecen:

Ephesos 6:12

Wicawe, qa wicaceḣpi kin kici unkicizapi śni, tuka wokiconze, qa wicowaśake, qa wiconi kin de en otpaza itancanpi kin, qa taku wakan śicapi wankantuya yukanpi kin hena om.

Hebrew 2:14

Cinca kin hena wicaceḣpi, qa wicawe kin en opapi kin heon iś iye hena en opa; hecen tuwe wiconṭe wowaśake yuhe cin, Wakanśica hec, e ihangye kta;

I. Inyan 5:1

Miye hunkayapi kin hemaca, qa Messiya kakije ciqon wanmdake c̣a, wowitan yutaninpi kte cin he en owapa, tona hunkayapi yaunpi kin ceciciyapi ce;

I. Johannes 4:15

Tuwe Jesus he Wakantanka Cinhintku kin hee e oyake cin he kici Wakantanka un, qa iś eya Wakantanka en un ece.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.