Mattheos 14:29 - Dakota Wowapi Wakan Kin

²⁹ Unkan; U wo, eciya. Hecen Inyan wata kin etanhan kun iyaye c̣a Jesus ekta ye kta mini kin amani.

Mattheos 14:29 ပူးပေါင်းရင်းမြစ်များ

Mattheos 14:28

Unkan Inyan ayupte c̣a heya; Itancan he niye hecinhan, ekta mini kin amani u maśi wo.

Mattheos 14:30

Tuka wohitiya tateyanpa wanyaka, hehan kokipa. Qa spaye kta iyaya, hehan śicahowaya, qa heya; Itancan, nimayan wo.

Mattheos 17:20

Unkan Jesus hewicakiya; Wacinyayapi śni heon; awicakehan heciciyapi; Sinape su wanjidan hinskokeca wacinyayapi unkanś, paha kin de, Detanhan tokan iyaya wo, eyakiapi kta; unkan tokan iyaye kta, qa taku oyakitpanipi wanice kta.

Mattheos 21:21

Jesus waayupte c̣a hewicakiya; Awicakehan heciciyapi; Wowacinye duhapi qa waceṭunyahdapi śni kinhan, taku suken can kin de ecakiconpi kin heceedan ecanonpi kte śni, tuka paha kin de, Tokan iyaye c̣a miniwanca kin en iyoḣpeniyanpi nunwe, eyakiyapi kinhan, ecetu kta.

Markos 9:23

Jesus heciya; Wicada oyakihi kinhan; tuwe wicada kin he on taku owasin okihipica ce.

Lukas 17:6

Unkan Itancan kin heya; Sinape sukaza wan iyecen wacinyayapi kinhan, eukamin can kin de, Hute ihdamna qa miniwanca kin en huic̣ihde wo, eyakiyapi kta, kinhan ananigoptanpi kta tuka.

Olianyanpi kin 3:16

Qa iye caje kin, caje wicadapi kin heon, wicaśta kin de wandakapi qa sdonyayapi kin he yuwaśaka; han, iye wacinyanpi kin he wicaśta kin de tanyan okiziya, niyepi owasin en.

Roma 4:19

Qa waśagya wacinye cin heon iye tancan kin wanna, kan he awakicin śni, wanna waniyetu opawinge ikiyedan, qa Sara tamni kin nakun wanna ecece śni tuka.

Philippi 4:13

Messiya waśagmaye cin he eciyatanhan taku owasin owakihi.