Mattheos 13:35 - Dakota Wowapi Wakan Kin

³⁵ Hecen wicaśta wokcan taku eye ciqon yuecetupi, he hecen eya; Wiyacinpi on i wahdukawa kta; taku maka kagapi ehantanhan anaḣmanpi kin he omdake kta ce.

Mattheos 13:35 ပူးပေါင်းရင်းမြစ်များ

Mattheos 13:14

Qa hecen Isaya wicaśta wokcan taku eye ciqon iyepi on yuecetupi; Winaḣonpi on nayaḣonpi kta, tuka oyakaḣnigapi kte śni; qa tonwanhan wandakapi kta, tuka idukcanpi kto śni ce.

Mattheos 13:3

Unkan wiyacinpi on taku ota owicakiyaka, qa heya; Iho, wicaśta woju wan woju iyaya:

Mattheos 25:34

Hehan Wicaśtayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaśtepi kin, wokiconze maka kagapi kin ehantanhan wiyeya niciyankapi kin he ito hduha po.

Mattheos 5:2

Unkan i hdukawa qa waonspewicakiye c̣a heya;

Lukas 10:14

Tuka wayacopi kin ekta niye teḣiya yaunpi kte cin he Turos Sidon kici aoptenya unpi kta.

Johannes 17:24

Ate, tona mayaqu kin hena, tokiya waun kin hen mici unpi kta wacin; hecen wowitan mayaqu qon he wanyakapi kta, wicoicage kin de itokam waśtemayakida kin heon etanhan.

Olianyanpi kin 15:18

Otokaheya tanhan Wakantanka taku icaḣye cin owasin sdonkiya.

I. Korinth 2:7

Tuka wowiyukcan en Wakantanka toksape kin he unkoyakapi ece; eqe naḣmanpi qon, woicage śni itokam wowitan unkitawapi kte cin heon, Wakantanka wakiconze ciqon.

Ephesos 3:5

He wicoicage tokeca kin en wicaśta cinca kin owicakiyakapi śni, tuka nakaha Woniya kin eciyatanhan, yewicaśipi owotanna qa wicaśta wokcan tawawicaye cin hena owicakiyakapi kin iyecen:

Ephesos 3:9

Qa wowiyukcan kin otokahe wanin ehantanhan Wakantanka, taku owasin Jesus Messiya on kage cin, he en naḣmanpi qon hee takodakiciyapi kin he owasin sdonye wicawakiye kta.

Hebrew 1:1

Ehanna, Wakantanka toktogye, otakiya wicaśta wokcan kin eciyatanhan hunkake wicunyanpi kin wowicakiyake ciqon, he, anpetu ehake kin dena icunhan, iye Cinhintku kin eciyatanhan wounkiyakapi;

Wayuotanin 13:8

Unkan tona maka akan unpi cajepi kin wiconi wowapi Amnos, maka kagapi kin hehantanhan wośnapi qon, he tawa kin en ewapi śni kin hena owasin wamanica kin ohodapi.

Wayuotanin 17:8

Wamanica wandake cin he un qon, qa un śni kin; qa wośbe cetete wanica etanhan hiyu kta, qa wicotakuni śni ekta hde kta. Qa tona maka akan unpi, maka kagapi kin ehantanhan, cajepi kin wiconi wowapi kin en owapi śni, hena wamanica kin wanyakapi kinhan yuśinyayapi kta, he un qon, qa un śni, qa hinaḣin un kin heon etanhan.