Mattheos 13:11 - Dakota Wowapi Wakan Kin

¹¹ Unkan iye awicayupte c̣a heya; Maḣpiya wokiconze woanaḣbe kin niye oyakaḣnigapi kta nic̣upi, tuka hena hecen wicaqupi śni, heon etanhan.

Mattheos 13:11 ပူးပေါင်းရင်းမြစ်များ

Mattheos 13:10

Unkan waonspewicakiye cin en hipi qa ḣeciyapi; Tokeca wiyacinpi on owawicayakiya he.

Mattheos 16:17

Unkan Jesus ayupte c̣a heciya; Simon Jona cinhintku niyawaśtepi ce; wicaceḣpi qa wicawe kin he oniciyake śni, tuka Ate maḣpiya ekta un kin he oniciyaka

Mattheos 19:11

Tuka hewicakiya; Wicoie kin he owasin okihipi śni, tona wicaqupi kin henana okihipi.

Mattheos 20:23

Hehan hewicakiya; Awicakehan wiyatke mitawa kin etanhan datkanpi kta, qa baptem maqupi kte cin heon niś eya baptem nic̣upi kta; tuka ematapa qa camatka tanhan iyotankapi wicaqupi kte cin he miye mitawa śni; tuka Ate tona wiyeya wicakiciyuśtan kinhan hena tawapi kta.

Markos 10:40

Tuka mietapa qa micatka tanhan iyotankapi kin wicaqupi kte cin he miye mitawa śni; tuka tona wiyeya wicakicihnakapi kta.

Markos 4:11

Unkan hewicakiya; Wakantanka tokiconze woanaḣbe kin hena niye sdonyayapi kta e nic̣upi; tuka tankan unpi kin hena taku owasin wiyacinpi kin on econpi.

Lukas 8:10

Unkan heya; Niyepi Wakantanka tokiconze woanaḣbe kin hena oyakaḣnigapi kta nic̣upi; tuka tokan kin iś wiyacinpi ece: hecen etonwanpi keś wanyakapi kte śni, qa wanaḣonpi keś okaḣnigapi kte śni ce.

Johannes 6:65

Unkan heya; He etanhan heciciyapi qon, Tuwedan iye cinka en mau okihi kte śni, tuwe Atewaye cin he qu kinhan heceyedan okihi kta.

Johannes 7:17

Tuwe iye tawacin ecen econ wacin kinhan, woyakapi kin de Wakantanka eciyatanhan hecinhan, qa iś miye cinka hena epa hecinhan, sdonye kta.

Olianyanpi kin 16:14

Unkan winoḣinca wan, Ludia eciyapi, Thuatira otonwe kin etanhan, wokoyake duta ece wiyopeye cin heca, Wakantanka kokipeyahan un he naḣon yanka: unkan cante kin Itancan kin yuzamni, on Palos oie kin anagoptan.

Roma 11:25

Mihunkawanji, wowiyukcan kin de sdonye śni dukaupi kta wacin śni, okinni ksape nic̣idapi kta; Israel oyate kin apa iśta gonge aya, Ikcewicaśta kin ocowasin en hiyu kte cin hehanyan.

Roma 16:25

Tuwe wootanin waśte mitawa qa Jesus Messiya woyake cin he eciyatanhan niyusutapi kta okihi, wowiyukcan nakaha yuotaninpi kin eciyatanhan, he maka icage cin ehantanhan wicoicage kin en anaḣmanpi qon;

I. Korinth 13:2

Qa wowiyukcan mduhe c̣a, taku anaḣbeya un kin owasin, wookaḣnige owasin ko, sdonwaye c̣a, wowacinye owasin mduha, on ḣe kin yutokan iyewaye kta owakihi eśta, wacanwakiye śni ehantanhan mataku śni.

I. Korinth 15:51

Wanyaka po, wowiyukcan wan ociciyakapi; owasin unkiśtinmapi kte śni, tuka owasin unyutokecapi kta.

I. Korinth 2:14

Tuka wicaceḣpi wicaśta kin he Wakantanka Taniya taku tawa kin icu śni, hena taku witkotkoke dake c̣a okaḣniga okihi śni, hena wakanyan iyukcanpi nakaeś.

I. Korinth 2:7

Tuka wowiyukcan en Wakantanka toksape kin he unkoyakapi ece; eqe naḣmanpi qon, woicage śni itokam wowitan unkitawapi kte cin heon, Wakantanka wakiconze ciqon.

I. Korinth 4:1

Wicaśta kin kaken ecanunkinpi kta, Messiya iwicadake cin qa Wakantanka tawowiyukcan awanyakapi kin heuncapi.

I. Korinth 4:7

Tuwe hecen iyotan nicaga he; qa taku nic̣upi śni kin tukte e duha he. Qa nic̣upi kinhan tokeca nic̣upi śni kin iyecen on iniwinkta he.

Ephesos 1:18

Nitawacinpi iśta kin iyoyam niyanpi kta, hecen nicopi wowacinye kin he taku kin e sdonyayapi kta, qa tona owotanna un kin taku tawapi kte cin wowitan wijica kin he taku;

Ephesos 1:9

Qa iye toiyokipi kin eciyatanhan, iye tawacin wowiyukcan kin sdonyeunkiyapi, he iye en ic̣iconze ciqon he iyecen:

Ephesos 5:32

He wowiyukcan wan tanka, tuka Messiya qa okodakiciye kin hena wicawaka.

Ephesos 6:19

Qa nakun miye on, iapi owakihi kte cin heon, hecen waditagya i wahdukawa, qa wotanin waśte wowiyukcan kin omdake kta.

Kolosse 2:2

Hecen iye cantepi kin kicanptapi kta, qa wac̣antkiyapi kin on kicicazontapi, qa wosdonye tanyan okaḣnigapi kta wowijice kin owasin on, qa Wakantanka towiyukcan sdonyapi kte cin on, Ateyapi qa Messiya tawa kin hee.

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.

I. Timotheos 3:9

Wicanagi ecedan ohna wowacinye wowiyukcan kin yuhapi kta.

Jakob 1:5

Niyepi etanhan tuwe woksape nice cinhan, Wakantanka kida kta, iye owasin iyukic̣uya wicaqu ece, qa iyopewicaye śni; unkan qupi kta.

I. Johannes 2:20

Tuka Wanji Wakan kin he niye sdaniyanpi, qa heon taku owasin sdonyayapi.

I. Johannes 2:27

Tuka sdaniyanpi, iye eciyatanhan duhapi kin he nicipi un; qa tuwe waonspeniciyapi kta iyenicecapi śni; tuka sdaniyanpi kin he taku owasin onspeniciyapi, he wowicake qa woitonśni wanica; he taku onspeniciyapi kin iyecen, iye kin en un po.