Mattheos 12:39 - Dakota Wowapi Wakan Kin

³⁹ Tuka iye waayupte c̣a hewicakiya; Wicoicage śice c̣a wawiciḣaḣapi econ sa kin he wowapetokeca da, tuka wowapetokeca wanjidan qupi kte śni, Jonas wicaśta wokcan wowapetokeca tawa kin heceedan kta.

Mattheos 12:39 ပူးပေါင်းရင်းမြစ်များ

Mattheos 16:4

Wicoicage śice c̣a wawiciḣaḣapi econ sa kin he wowapetokeca wan da; tuka wowapetokeca wanjidan qupi kte śni; Jonas wicaśta wokcan tawowapetokeca kin heceedan. Unkan eḣpewicaya iyaya.

Markos 8:12

Unkan iye cante ekta comnihdazi qa heya; Tokeca wicoicage kin de wowapetokeca akita he. Awicakehan heciciyapi; Wicoicage kin de wowapetokeca takudan qupi kte śni.

Markos 8:38

Heon etanhan tuwe, wicoicage wiinaḣman qa waḣtani sa kin de en, miye qa mioie kin on iśtece cinhan, tohan Wicaśta Cinhintku kin iye Atkuku towitan hduha, ohnihde wakan kin om u kinhan, wicaśta kin he on iśtece kta ce.

Jakob 4:4

Wiinayaḣmanpi qa wawiciḣaḣapi ecanonpi kin, wicoicage kin de waśtedapi kin he Wakantanka śicedaka e sdonyayapi śni he. Heon tuwe wicoicage kin de wotakuye wacin kinhan, he Wakantanka tokaya.