Mattheos 12:32 - Dakota Wowapi Wakan Kin

³² Qa tuwe Wicaśta Cinhintku kin taku śica eciye cinhan, he kicicajujupi kta; tuka tuwe Woniya Wakan kin taku śica eciye cinhan, he kicicajujupi kte śni, wiconi kin de en, qa nakun wiconi u kte cin en.

Mattheos 12:32 ပူးပေါင်းရင်းမြစ်များ

Mattheos 11:19

Wicaśta Cinhintku kin wota qa wayatkan hi; unkan heyapi; Iho, wicaśta wan wote sa qa miniśa yatkan ece, wamnayanpi qa waḣtanipi sa takodawicaya ece. Tuka woksape iye cinca kin on owotanna oyakapi ece.

Mattheos 12:31

Heon etanhan heciciyapi; Woaḣtani owasin iapi śica ko wicaśta wicakicicajujupi kta; tuka Woniya Wakan aiapi kin he wicaśta wicakicicajujupi kte śni.

Mattheos 12:8

Qa Wicaśta Cinhintku kin he anpetu wakan Itancan kin he nakun ee.

Mattheos 13:22

Unkan wapepeka ehna ojuipi icu qon, tuwe wicoie kin naḣon kin hee; tuka wiconi kin de awacinpi qa woyuha ota wohnaye kin hena wicoie kin kte ece, hecen waskuyeca takudan aicage śni.

Mattheos 13:39

Toka hena oju qon Wakanśica hee. Woksapi kin he wiconi kin de owihanke kin hee; qa wayuksapi kte cin maḣpiya ehnihde kin hena eepi.

Mattheos 13:40

Heon etanhan, wayahota pahipi qa peta en ḣuḣnagapi qon he wiconi kin de owihanke kin ekta hecece kta.

Mattheos 13:55

Cankajipa cinhintku kin he dee śni he; hunku he Mary eciyapi, qa sunkawicaye cin hena Jakob qa Joses qa Simon qa Judas:

Mattheos 8:20

Unkan Jesus heciya; Śungidan waśun tonpi, qa maḣpiya okinyanpi kin hoḣpi yuhapi ece; tuka Wicaśta Cinhintku kin tukten pa ipahinye kta yuhe śni.

Markos 10:30

Nakaha wiconi kin de en opawinge akihde icu kta; tipi, qa hunkawanjitkupi, qa tawinoḣtin, qa hunkupi, qa cincapi, qa makoce ko, wośitkihdapi iyahna; qa wiconi u kte cin he en wiconi owihanke wanica yuhe kta.

Markos 3:28

Awicakehan heciciyapi; Waḣtanipi owasin wicaśta cincapi kin wicakicicajujupi kta, qa iapi śica on wayaśicapi ece kin hena nakun;

Markos 3:29

Tuka tuwe Woniya Wakan kin yaśice cinhan, he icimana kicicajujupi kte śni; tuka woyaco owihanke wanica kicihe kta:

Lukas 12:10

Qa tuwe kaśta Wicaśta Cinhintku kin itkom wicoie wanji eciye cinhan, kicicajujupi kte; tuka tuwe Woniya Wakan waośtehda kinhan, kicicajujupi kte śni.

Lukas 16:8

Unkan yuhe cin waawanyake owotanna śni kin yaonihan, okiksamya econ kin heon etanhan: maka kin de cincapi kin iwicacage cin en iyoyanpa cinca kin isanpa ksapapi ece.

Lukas 18:30

Hee dehan nakaha taku sanpa ota yuhe kta, qa wiconi u kte cin he en wiconi owihanke wanica yuhe kta ce.

Lukas 23:34

Hehan Jesus heya; Ate, wicakicicajuju wo; taku tokonpi kin sdonkiyapi śni ce. Unkan tawokoyake kin kicipamnipi, qa oeconna econpi.

Lukas 7:34

Wicaśta Cinhintku kin he wote c̣a wayatke hi; unkan hehapi; Wan, wicaśta wan wote sa, qa miniśa yatke sa, wamnayanpi qa waḣtanipi sa takodawicaya ece.

Johannes 7:12

Qa oyate kin iapi ota on aiepi. Apa, He wicaśta waśte ce, eyapi: qa toktokeca iś, Hiya, oyate kin wicahnayan ce, eyapi.

Johannes 7:39

Tuka Woniya, tona iye wacinyanpi kin icupi kte cin hee on hecen eya: he ehan nahaḣin Woniya Wakan kin wicaqupi śni, nahaḣin Jesus wowitan ehan i śni.

Johannes 7:52

Unkan ayuptapi qa heciyapi; Niś Galile henitanhan he: Wawiwange c̣a wanyaka wo; wicaśta wokcan tuwedan Galile etanhan u śni ce.

Olianyanpi kin 3:19

Heon ihduecetupi, qa ihduhomni po; hecen wayaḣtanipi kin nicicajujupi kta ce; tohan anpetu yuecetupi kin Itancan itohnake kin eciyatanhan u kinhan;

Ephesos 1:21

Wokiconze owasin, qa wowaśake, qa wookihi, qa itancankiyapi, qa wicacaje caje yatapi kin owasin, wiconi kin de en hecedan śni, wiconi u kte cin he nakun, hena iwankam tehan wankantuya ekihde:

I. Timotheos 1:13

He itokam waośtewahda, qa śicaya wicawakuwa, qa waḣanmic̣ida; tuka wicawada śni icunhan hena iyukcan śni ecamon kin heon onśimadapi.

I. Timotheos 1:15

Wicoie kin de wacinyepica, qa owancaya icupi kta iyececa, Jesus Messiya waḣtanipi sa niwicaye kta e on makata hi; hena en miye imayotan.

I. Timotheos 4:8

Wicatancan yeic̣iyapi kin he taku cistinna okihi; tuka Wakantanka awacinpi kin he taku owasin okihi, wiconi kin de, qa wanji u kte cin iwahoyapi kin en un.

I. Timotheos 6:17

Tona maka kin den watonpike cin wahokonwicakiya wo, watankaic̣idapi kte śni, qa woyuha atakuni śni aya ece kin wacinyanpi kte śni, tuka Wakantanka ni un taku iyounkipipi kta e iyakic̣uya unqupi kin hee;

II. Timotheos 4:10

Demas he amayuśtan, wiconi kin de waśtedake c̣a Thessalonike ekta kihda, Kreskes Galatia ekta, qa Titos Dalmatia ekta.

Titos 2:12

Wakantanka aktapi śni, qa wicoicage cantiheyapi kin hena eḣpeunyanpi kta, qa nakaha wiconi kin en, wacinksamya, owotanna, wakanyan unnipi kta e onspeunkiyapi.

Jakob 1:27

Wakantanka qa Ateyapi kin itokam woohodapi opapi ecedan qa aśape śni kin he dee; Wamdenica qa wiwazica kakijapi eca en wicahipi, qa wicoicage kin en taku iyaonpepica śni ihduhapi kin hee.