Mattheos 11:30 - Dakota Wowapi Wakan Kin

³⁰ Can nap̣inpi mitawa kin he teḣike śni, qa waqin mitawa kin he kap̣ojedan.

Mattheos 11:30 ပူးပေါင်းရင်းမြစ်များ

Mattheos 12:1

Anpetu kin hena en, anpetu wakan icunhan, Jesus aguyapi ojupi kin ehna iyaya; unkan waonspewicakiye cin wotektehdapi, qa aguyapi yuksa icupi qa yutapi.

Johannes 16:33

Wookiye amayaduhapi kta heon etanhan hena heciciyapi. Oyate kin de en wokakije duhapi kta; tuka wiyuśkin po, miye oyate kin ohiwicawaya ce.

Olianyanpi kin 15:10

Heon nakaha tokeca e Wakantanka iyutanyayapi, qa can nap̣inpi wan, hunkake wicunyanpi qa unkiyepi kin yuha unkokihipi śni kin he waonspewicakiyapi tahupi kin en eyahnakapi kta he.

Olianyanpi kin 15:28

Woniya Wakan kici hecen iyounkipipi, waqinpi tokeca unkanihnakapi kte śni, tuka dena taku owotanna kin hecehnana;

II. Korinth 4:17

Unkakijapi cistinna, qa ptecedan kin he wowitan ota ḣinca, ota ḣinca, owihanke wanin tke ḣinca unkicagapi kta.

Galatia 5:1

Hecen tawaic̣iyapi kin on Messiya tawaic̣iye unyanpi kin he en ṭinsadan un po, qa ake wowidake yapi wanapin kin on iyaihdaśkapi śni po.

Galatia 5:18

Tuka Woniya kin yus aniyanpi hecinhan, woope kin ihukuya yaunpi śni.

Philippi 4:13

Messiya waśagmaye cin he eciyatanhan taku owasin owakihi.

I. Johannes 5:3

Wakantanka waśtedakapi kin he dee, tawoahope kin tanyan ounpapi kin he; unkan tawoahope kin wośitkihda śni.