Mattheos 11:1 - Dakota Wowapi Wakan Kin

¹ Unkan Jesus waonspewicakiye akenonpapi kin taku econwicaśi ayaśtan, hehan hetanhan iyaya, otonwe tawapi kin ohnahna woyake kta qa waonspekiye kta.

Mattheos 11:1 ပူးပေါင်းရင်းမြစ်များ

Mattheos 28:20

Qa taku tona econciśipi kin owasin yuhapi kta e onspewicakiya po. Unkan iho, anpetu owasin cicipi waun, maka owihanke kin hehanyan. Amen.

Mattheos 4:23

Unkan Jesus Galile owancaya iyaya, omniciye tipi yuhapi kin ohna waonspewicakiye c̣a, wokiconze wotanin waśte kin oyaka ece, qa oyate kin en wowayazan owasin qa wicocante śica owasin asniyan ece.

Mattheos 7:28

Unkan Jesus wicoie kin dena ihunnikiya, hehan wicota wahokonwicakiye cin on yuśinyayapi.

Mattheos 9:35

Unkan Jesus otonwe kin owasin, otonwe ciqadan ko iyaza un, omniciye tipi yuhapi kin ohnahna waonspekiye c̣a wokiconze wotanin waśte kin he oyaka ece; qa wayazankapi owasin, oyate kin en teḣiya unpi ko asniwicaya ece.

Markos 6:12

Unkan iyayapi, qa wicaśta ihduecetupi kta e woyakapi.

Lukas 23:5

Unkan hecen iyotan wohitipike c̣a heyapi; Oyate kin owodutatonwicaya ece, qa Galile etanhan Juda makoce kin owancaya dehan oiyahdeya waonspekiya ece.

Lukas 8:1

Unkan he iyohakam, otonwe tankinkinyan otonwe cikciqadan ko, owasin iyaza un, qa wootanin waśte Wakantanka tokiconze ahna yaotanin. Unkan akenonpapi kin kici unpi:

Johannes 15:10

Mitawoahope kin duhapi kinhan, mitowaśte kin he kici yaunpi kta; Ate tawoahope mduhe cin heon towaśte kin kici waun kin he iyececa.

Johannes 15:14

Taku econ ciśipi kin owasin ecen ecanonpi kinhan takuciyapi yaunpi.

Olianyanpi kin 1:2

Tona wicakaḣnige c̣a yewicaśi qon hena Woniya Wakan kin eciyatanhan wahokonwicakiye cin iyohakam, anpetu wan en wankan eyakupi kin hehanyan.

Olianyanpi kin 10:38

Jesus Nazareth etanhan kin he Wakantanka sdakiya, Woniya Wakan wowaśake ko on; qa he qe taku waśte econ iyaya ece, qa tona taku wakan śica wicayuhnaśkinyan kin hena okiziwicaya ece, Wakantanka kici un kin heon.

Olianyanpi kin 10:42

Unkan oyate kin wahokonwicakiye unśipi qa nipi ṭapi ko en wayaco Wakantanka kage cin he iye ce, eya oyake unśipi.

I. Thessalonike 4:2

Jesus Itancan kin etanhan woahope kin tona unnic̣upi kin sdonyayapi.

II. Thessalonike 3:10

Nicipi unyakonpi qehan, he de unkoniciyakapi, Tuwe ḣtanipi tawaṭenye śni kinhan, he takudan yute kte śni ce.

II. Thessalonike 3:6

Unkan mihunkawanji, Jesus Messiya Itancan unkiyapi caje kin on ceunniciyapi ce, hunkawanjin kiciyapi wan ecinśniyan mani, qa wicoope unnic̣upi qon eciyatanhan śni kinhan, he nakicipa po.

I. Timotheos 6:14

Aśape śni qa iyaonpepica śni, woahope kin de duhe kta, Jesus Messiya Itancan unkiyapi taninyan u kte cin hehanyan.