Mattheos 10:37 - Dakota Wowapi Wakan Kin

³⁷ Tuwe miye isanpa atkuku qa iś hunku kin waśtekidake cinhan, he mici un kta iyecece śni; qa tuwe miye isanpa cinhintku qa iś cunwintku kin waśtekidake cinhan, he mici un kta iyecece śni:

Mattheos 10:37 ပူးပေါင်းရင်းမြစ်များ

Mattheos 22:37

Unkan Jesus heciya; Itancan Wakantanka nitawa kin he nicante ocowasin on, qa ninagi ocowasin on, qa nitoksape ocowasin on waśteyakidake kta.

Mattheos 22:8

Hehan wowidake tawa kin hewicakiya; Wakankiciyuzapi kin wiyeya yanka, tuka tona en wicakicopi qon hena opapi kta iyececapi śni.

Lukas 14:26

Tuwe ekta mahi, qa atkuku, hunku, tawicu, cinca, sunkaku, tawinoḣtin kin, hena, qa iye ni kin heeś koya śicekida śni ehantanhan, waonspewicawakiye cin wanji ee kta okitpani ce.

Lukas 20:35

Tuka tona rnakoce kin he en opapi kte cin, qa wicaṭe cin etanhan kinipi kta iyececa wicadakapi kin hena tawicu tonpi śni, qa hihnatonpi śni ece.

Lukas 21:36

Heon ohinniyan wakta po, qa cekiya po; hecen taku hiyohi kte cin dena owasin icunom idadapi, qa Wicaśta Cinhintku kin itokam nayajinpi kta iyececa niyawapi kta ce.

Johannes 5:23

Heon etanhan owasin Ateyapi kin token ohodapi hecinhan he iyecen Cinhintku kin ohodapi kta. Tuwe Cinhintku kin ohoda śni kin he Atkuku u śi kin he nakun ohoda śni.

Wayuotanin 3:4

Tuka Sardis ekta wicacaje tonana duha, hena e tawokoyake kin hduśapapi śni; qa ska ihduzapi ecen mici manipi kta; he iyehantupi nakaeś.