Mattheos 10:20 - Dakota Wowapi Wakan Kin

²⁰ Ie kte cin he niyepi śni, tuka Niyatepi Taniya en niunpi kin he iye ie kta.

Mattheos 10:20 ပူးပေါင်းရင်းမြစ်များ

Mattheos 6:32

Taku kin hena owasin Ikcewicaśta akitapi ece; qa Niyatepi maḣpiya ekta un kin he dena takuowasin yacinpi esdonya ece.

Markos 12:36

Dawid iye qe Woniya Wakan on heya; Itancan kin Itancan mitawa heciya; Mietapa ekta iyotanka wo, tona tokaniyanpi kin hena siha oahe nitawa kin wakage kta hehanyan.

Lukas 11:13

Hecen niś niśicapi kin, nicincapi taku waśteśte wicayaqupi kte cin he onnispepi ehantanhan, iś iyotan maḣpiya Ateyayapi kin tona Woniya Wakan kidapi kinhan wicaqu kta ce, eya.

Lukas 12:12

Woniya Wakan kin he iye iyehantudan ḣin taku ehapi kta iyececa he onspeniciyapi kta ce.

Lukas 21:15

Wicai wicoksape ahna cic̣upi kta, hecen tokaniyanpi kin tuwedan taku iennihdepi kte śni, qa iyakapeniyanpi kte śni.

Olianyanpi kin 13:9

Hehan Salos, iye nakun Palos eciyapi, Woniya Wakan on ojudan he opaḣta najin,

Olianyanpi kin 2:4

Unkan owasin Woniya Wakan kin on ojupidan qa wicaceji toktokeca on iapi, Woniya Wakan ie wicakiye cin he iyecen.

Olianyanpi kin 28:25

Unkan okonwanjidan awakicinpi śni kin, hehan kihdapi, Palos wicoie wanjidan oyake cin iyohakam; Woniya Wakan kin Isaya wicaśta wokcan kin en, hunkake wicunyanpi kin tanyan wowicakiyaka;

Olianyanpi kin 4:8

Hehan Inyan Woniya Wakan on ojudan, hecen ewicakiya; Oyate en wicaśta itancanpi, qa Israel hunkawicayapi kin;

Olianyanpi kin 6:10

Tuka Woksape Woniya ko on ie cin he okihipi śni.

II. Korinth 13:3

Miye mahen tanhan Messiya ie cin on wowapetokeca ayakitapi kin heon etanhan; he niyepi ekta taku okitpani śni, tuka niyepi kin en waśake ḣinca.

I. Thessalonike 2:13

Qa heon ohinniyan Wakantanka wopida unkekiciyapi; Wakantanka oie kin unkiyepi etanhan nayaḣonpi, qa iyacupi qehan, wicaśta oie kin iyecen iyacupi śni, tuka awicakehan Wakantanka oie kin hee, niye tona wicayadapi kin en oḣanyan ece kin iyececa.

I. Inyan 1:12

Unkan, iś iyepi kte śni, tuka tona wotanin waśte, Woniya Wakan maḣpiya eciyatanhan kun u śipi kin iyahna sdonyeniyanpi kin eqe nakaha taku oniciyakapi kin hena unkiyepi on yuhapi e owicakiyakapi; taku kin hena maḣpiya ohnihde kin en eyokasin wacinpi.

II. Inyan 1:21

Wokcanpi kin wanakajatanhan wicaśta tawacin kin eciyatanhan u śni; tuka wicaśta wakan Wakantanka tawa Woniya Wakan kin token iewicakiye ciqon hena hecen eyapi ece.