Markos 9:7 - Dakota Wowapi Wakan Kin

⁷ Unkan maḣpiya wan aohanziwicaya; qa maḣpiya kin eciyatanhan wicaho wan tanin qa heya; Micinkśi waśtewakidake cin he dee, he anagoptan po.

Markos 9:7 ပူးပေါင်းရင်းမြစ်များ

Mattheos 27:43

Wakantanka wacinkiye ciqon; tawa kta hecinhan wanna ehdaku kta; Wakantanka Cinhintku kin he miye ce, eye ciqon.

Mattheos 27:54

Unkan akicita tancan qa tona om Jesus awanyake cin hena maka kin śkanśkan qa taku econpi ko wanyakapi qehan, nina yuśinyayapi, qa, Awicakehan Wakantanka Cinhintku kin he dee tuka ce, eyapi.

Mattheos 3:17

Unkan iho, maḣpiya eciyatanhan wicaho wan heya; Micinkśi waśte wakidake cin he dee, on iyomakipi ḣinca ce.

Markos 1:11

Unkan maḣpiya eciyatanhan wicaho wan tanin, Micinkśi waśtewakidake c̣a tanyan iyomakipi kin he niye ce.

Markos 9:6

Taku eye kta sdonkiye śni; nina yuśinyayapi nakaeś.

Markos 9:8

Hehan ecahankeya ihdukśan etonwanpi qehan, wicaśta tuwedan wanyakapi śni, Jesus iśnana kici unpi.

Lukas 3:22

Qa Woniya Wakan kin wakiyedan kaḣya tantonyan kun u, qa en iyahan; unkan maḣpiya eciyatanhan wicaho wan hiyu, qa heya; Micinkśi waśtewakidake cin he niye; niye on iyomakipi ḣinca.

Johannes 1:34

He wanmdaka e on mdaotanin; Wakantanka Cinhintku kin hee.

Johannes 1:49

Nathanael ayupte c̣a heciya; Itancan, Wakantanka Cinhintku, Israel oyate Wicaśtayatapi kin he niye.

Johannes 12:28

Ate nicaje kin hdutan wo. Unkan maḣpiya kin eciyatanhan wicaho wan u qa; Wanna eya micaje kin wahdutan, nakun wahdutan kta, eya.

Johannes 19:7

Wowakiconze wan unhapi, wowakiconze unhapi kin eciyatanhan ṭe kta iyececa, Wakantanka Cinhintku keic̣iye cin heon etanhan, Juda oyate kin eya ayuptapi.

Johannes 20:31

Tuka dena e owapi, heon Jesus he Messiya Wakantanka Cinhintku kin hee e wicayadapi kta; qa wicayadapi kin on, iye caje kin eciyatanhan, wiconi duhapi kta.

Johannes 5:18

Unkan Juda oyate hehan iyotan Jesus ṭeyapi kta sanpa akitapi, anpetu wakan botica, qa nakun Wakantanka atayedan Ateya keic̣iye cin, Wakantanka kici akiyecen ihdawa kin, heon etanhan.

Johannes 5:37

Qa Ateyapi umaśi qon he nakun mahduotanin: He tohiani ho kin nayaḣonpi śni, qa itohnake wandakapi śni:

Johannes 6:69

Qa Messiya Wakantanka ni un Cinhintku kin he niye e wicaundapi qa sdonunyanpi ye, eya.

Johannes 9:35

Tankan iyeyapi kin he Jesus naḣon; qa akipa, unkan, Wakantanka Cinhintku kin wicayada he, eciya.

Olianyanpi kin 1:9

Unkan hena hecen eye c̣a, wanhdakapi icunhan, yuwankan icupi; qa wanyakapi kin etanhan maḣpiya śapa wan eyaku.

Olianyanpi kin 7:37

Moses Israel cinca kin; Hunkawanjin wicayayapi etanhan wicaśta wokcan wan miye iyemaceca, Itancan Wankantanka nitawapi kin icaḣniciciyapi kta, he anayagoptanpi kta ce, ewicakiye ciqon he dee.

Olianyanpi kin 8:36

Unkan canku kin ohna hdapi, qa mini yuke cin wan iyohipi. Hehan yunokos kin; Mini wanyaka wo, baptem maqupi kta e taku teḣinda kta he, eya.

Roma 1:4

Qa wowaśake on Wakantanka Cinhintku kin hee e yuotaninpi, Woniya Wakan kin eeiyatanhan, wiconṭe etanhan piya ikicage cin he en;

Hebrew 2:1

Heon etanhan taku naunḣonpi; kin hena tohinni unkikusepi kte śni e on sutaya awauncinpi kta.

II. Inyan 1:17

Wakantanka Ateye cin eciyatanhan woyuonihan wowitan ko icu, wowitan waśte kin etanhan wicaho kin de hiyu qehan, Micinkśi waśtewakidake cin he dee, on iyomakipi ḣinca ce.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.

Wayuotanin 1:7

Wanyaka po, maḣpiya śapa kin akan u; unkan wiciśta owasin wanyakapi kta, qa tona he capapi qon hena nakan, qa iye on oyate maka ohnaka kin owasin aic̣ipapi kta. Hecetu nunwe. Amen.