Markos 9:47 - Dakota Wowapi Wakan Kin

⁴⁷ Nakun niiśta waḣtaniniye cinhan hduśdoka wo; iśta wanjidan hduha Wakantanka tokiconze kin en de cinhan, hee waśte kta, qa iśta napin hduha Wakanśica ti peta kin en iyoḣpeniyanpi kte śni.

Markos 9:47 ပူးပေါင်းရင်းမြစ်များ

Mattheos 18:9

Qa niiśta waḣtaniniye cinhan, hduśdoke c̣a eḣpeya wo; iśta wanjidan hduha wiconi en yai kte cin he waśte, qa iśta napin hduha peta owihanke wanica en iyoḣpeniyanpi kte cin he śica.

Mattheos 5:22

Tuka miś heciciyapi; Tuwe taku on etanhan śni sunkaku śicekidake cinhan he yacopi kta; qa tuwe sunkaku, Waḣteśni, eciye cinhan he omniciye tanka kin en ayapi kta; qa tuwe, Winitkotkoka, eciye cinhan, he Wakanśica tapeta kin en iyoḣpeyapi kta iyececa.

Markos 9:43

Qa ninape waḣtaniniye cinhan hdaksa wo; nape ksa wiconi kin en yai kinhan hee waśte kta, qa nape napin hduha Wakanśica ti, peta icimana kasnipi kte śni kin en iyoḣpeniyanpi kte śni.

Markos 9:46

Hen wamduśka tawapi kin ṭe kte śni, qa peta kin kasnipi śni ece.

Lukas 14:26

Tuwe ekta mahi, qa atkuku, hunku, tawicu, cinca, sunkaku, tawinoḣtin kin, hena, qa iye ni kin heeś koya śicekida śni ehantanhan, waonspewicawakiye cin wanji ee kta okitpani ce.

Johannes 3:3

Unkan Jesus ayupte c̣a heciya; Wowicake, wowicake eciyatanhan heciciya, Wicaśta kin wankantanhan teca nien tonpi śni kinhan Wakantanka tokiconze kin wanyaka okihi kte śni.

Johannes 3:5

Unkan Jesus ayupte; Wowicake, wowicake eciyatanhan heciciya, Wicaśta kin mini qa Woniya kin on tonpi śni kinhan Wakantanka tokiconze kin en tin iyaya okihi kte śni ce, eya.

Galatia 4:15

Hecen wowaśte duhapi qon tukte e he. Kaken ciyaotaninpi, okihipica unkanś niiśtapi kin yahduśdokapi qa mayaqupi kta wicayadapi kta tuka.