Markos 9:42 - Dakota Wowapi Wakan Kin

⁴² Qa tuwe dena cikcistinpidan wacinmayanpi kin wanji waḣtanikiye cinhan, tahu en inyan wiyutpan wan iyakaśkapi qa miniwanca kin en eḣpeyapi unkanś, he waśte kta tuka.

Markos 9:42 ပူးပေါင်းရင်းမြစ်များ

Mattheos 17:27

Tuka śihda wicunyanpi kte śni, e heon niś mde kin ekta ye c̣a hinśkijupi wan minin iyeya wo, qa hogan tokaheya hiyu kin he icu wo; he i kin dukawa kinhan ohna kangi kagapi wan iyeyaye kta; he icu qa miye qa niye on wicaqu wo.

Mattheos 18:10

Ihnuhan dena cikcistinpidan wanjidan eśta śiceyadake cinhan; heciciyapi ce; Maḣpiya ekta ohnihdewicayapi tawapi kin hena Ate maḣpiya ekta un kin ite ohinniyan wanyakapi ece.

Mattheos 18:6

Qa tuwe hokśiyoqopa kin dena, wacinmayanpi kin, wanji waḣtanikiye cinhan, he inyan wiyutpan wan tahu en iyakaśkapi, qa iye miniwanca ośbe kin en iyoḣpeyapi unkanś waśte kta tuka.

Olianyanpi kin 9:4

Hehan makata hinḣpaye c̣ehan, wicaho wan naḣon, Salos, Salos, tokeca śicaya mayakuwa he, eciya.

Roma 14:13

Hecen on, detanhan otoiyohi unkiciyacopi kte śni, tuka kaken e iyotan wakonza po, tuwedan taku en siha ibotopi, qa on hinḣpaye kte cin he hunkawanjitku kin itokam ehde kte śni.

Roma 15:21

Tuka hecen wowapi en kagapi qon; Tona en cajeyatapi śni kin hena wanyakapi kta, qa tona naḣonpi śni qon hena iyukcanpi kta.

Roma 16:17

Mihunkawanji ceciciyapi ce, tona woonspe onspenic̣iciyapi qon eciyatanhan śni yuomdecapi, qa waḣtani wicayapi kin hena iwanwicayakapi, qa nawicakicipa po.

II. Korinth 6:3

Takudan on tuwedan ibotounyanpi śni, hecen wawokiyapi kin he bapi kte śni:

Philippi 1:10

Kinhan, taku waśte kin hena idukcanpi kta, hecen okonwanjidan ḣicahe śni yaunpi kta, Messiya anpetu tawa kin en;

I. Timotheos 5:14

Heon, tona nahaḣin wikoskapi kin hena hihna tonpi kta, einca tonpi kta, qa tiyohnaka hduhapi kta wacin, hecen toka kin taku iyawicaonpe kta okihi śni kagapi kta.

II. Inyan 2:2

Qa wicoḣan śica econpi kin en wicota opapi kta; hena on wowicake canku kin yaśicapi ece e kta.