Markos 9:41 - Dakota Wowapi Wakan Kin

⁴¹ Tuwe micaje on miniyatke ohna mini datkanpi kta nic̣upi kinhan, Messiya niyuhapi kin heon, he wokajuju toki eḣpekiye kte śni, awicakehan eciciyapi.

Markos 9:41 ပူးပေါင်းရင်းမြစ်များ

Mattheos 10:42

Qa tuwe waonspekiyapi caje on, dena cikcistinpidan wanji wiyatke ohna mini sni ecedan yatkekiye cinhan, awicakehan heciciyapi, he iyunwin tawa toki eḣpekiye kte śni.

Mattheos 25:40

Unkan Wicaśtayatapi kin waayupte c̣a hewicakiye kta; Awicakehan heciciyapi; Mihunkawanji kin dena cikcistinpidan hecawicayeconpi kin he miye ecamiyeconpi ece.

Markos 4:10

Unkan iśnana un hehan, akenonpapi qa tona om ihdukśan unpi kin hena wiyacinpi kin he on iwangapi.

Roma 14:15

Qa woyute kin on etanhan nihunkawanji iyokiśin yaye cinhan wowaśtedake eciyatanhan mayani śni. Messiya tuwe on ṭe ciqon he woyute nitawa kin on ihang ye śni wo.

Roma 8:9

Tuka niyepi wicaceḣpi kin en yaunpi śni, Woniya kin en yaunpi, Wakantanka Taniya kin niyepi kin en ounye cinhan, Qa tuwe Messiya Taniya kin yuhe śni kinhan he tawa śni.,

I. Korinth 15:23

Tuka otoiyohi tohan iyeitantu kinhan; Messiya e tokaheya, qa hehan tona tawa kin hena, Messiya ake hi kinhan.

I. Korinth 3:23

Qa Messiya tawa niyanpi, qa Wakantanka Messiya tawa ya.

II. Korinth 10:7

Wicaśta itohnake kin hecedan iwandakapi he. Tuwe Messiya tawa kecanic̣in kinhan, he ake kaken awacin kta: is iye Messiya tawa kin heca he iyecen unkiś unkiyepi Messiya tawa unyanpi.

Galatia 3:29

Messiya tawa niyanpi hecinhan, Abraham cinca kin henicapi, qa wahoyapi kin eciyatanhan tawayapi kte cin.

Galatia 5:24

Unkan tona Messiya tawa wicaye cin hena wicaceḣpi kin icipaweḣ okatanpi, qa wacinyuzapi cantiheyapi koya.