Markos 9:29 - Dakota Wowapi Wakan Kin

²⁹ Unkan hewicakiya; Ocaje kin de wote śni cekiyapi kin ecedan on tankan hiyu kta okihi ece.

Markos 9:29 ပူးပေါင်းရင်းမြစ်များ

Mattheos 12:45

Hehan iyaye c̣a woniya tokeca śakowin iye isanpa śicapi, hena iwicacu qa om mahen iyaya, qa ohna yukanpi; unkan wicaśta kin he hetanhan teḣiya un, tokaheya un qon isanpa. Wicoicage śice cin de hecece kta.

Mattheos 17:20

Unkan Jesus hewicakiya; Wacinyayapi śni heon; awicakehan heciciyapi; Sinape su wanjidan hinskokeca wacinyayapi unkanś, paha kin de, Detanhan tokan iyaya wo, eyakiapi kta; unkan tokan iyaye kta, qa taku oyakitpanipi wanice kta.

Mattheos 17:21

Tuka taku decece cin he cekiyapi qa wote śni unpi ecedan on tankan hinanpa ece.

Markos 9:28

Unkan tin hiyu qehan, waonspewicakiye cin naḣmana iwangapi; Tokeca unkiye tankan eḣpeya unkokihipi śni he.

Markos 9:30

Hehan hetanhan yapi qa Galile iyoopta iyayapi; qa tuwedan sdonye kte śni cin.

Lukas 11:26

Hecen tokiya ye c̣a, woniya toktokeca iye kin isanpa wicaśtapiśni śakowin ewicayaku, qa hena en yapi, qa otipi: hecen wicaśta kin he otokahe kin isanpa oehake kin he śica ece.

Olianyanpi kin 14:23

Unkah okodakiciye otoiyohi en hunka wicayapi kin wicakagapi, qa wote śni wocekiye eyapi qehan, Itancan wicadapi qon he awanwicahdake kta e icekiyapi.

I. Korinth 9:27

Tuka mitancan kin suta mic̣icage c̣a ṭinsmic̣iya; okinni wicaśta tokeca wotanin waśte kin owicawakiyaka eśta, miye qe ḣeyata iyemayanpi kte cin he kowakipa.

II. Korinth 11:27

Mdowakiṭa qa nina ḣtawani kin on, ota kiktahan waun kin on, wotektewahda qa imapuza on, ijehan amakiḣan kin on, macuwita qa tancodan waun kin on;

II. Korinth 12:8

Qa heon Itancan kin yamni wocekiye ewakiya, he amayuśtan kte cin heon.

II. Korinth 6:5

Apapi kin en, kaśka hnakapi kin en, yuomdecapi kin en, wicoḣtani kin en, kiktahan unpi kin en, wotektehdapi kin en;

Ephesos 6:18

Wocekiye qa wokidapi owasin on Woniya kin en, ohinniyan tona owotanna un kin on cekiya po, qa heon woape owasin wokidapi ko yuha kiktahan un po:

Jakob 5:15

Unkan wacinyan cekiyapi kin he wayazanke cin asniye kta; qa Itancan kin he najinkiye kta; qa woaḣtani econ hecinhan, hena kicicajujupi kta.