Markos 9:24 - Dakota Wowapi Wakan Kin

²⁴ Unkan hecehnana hokśidan atkuku kin hotanin qa ceya heya; Itancan wicawada; wicawada śni kin he niye omakiya wo.

Markos 9:24 ပူးပေါင်းရင်းမြစ်များ

Markos 9:23

Jesus heciya; Wicada oyakihi kinhan; tuwe wicada kin he on taku owasin okihipica ce.

Markos 9:25

Jesus oyate kin en inyang hiyupi wanwicayaka, hehan woniya śapa iyopeye c̣a heciya; Woniya ia okitpani qa noge tpa, tankan hinanpe c̣a, icimana en ye śni wo, he miye e econ ciśi ce, eya.

Lukas 17:5

Unkan wahośiyapi kin Itancan kin heciyapi; Wacinunyanpi kin unkiciyusanpa miye.

Lukas 7:38

Qa tapetepa tanhan siha kin en ceya najin, qa iśta minihanpe kin on siha kiciyujaja, qa paha kin on kicipakinta c̣a, siha kin ikiciputake, c̣a ihepi qon on sdakiciciya.

Lukas 7:44

Hehan winoḣinca qon ekta ihduhomni, qa Simon heciya; Winoḣinca kin de wandaka he: Yati kin en wahi, unkan mini on siha wahdujaja kta mayaqu śni; tuka iye kin iśta minihanpe kin on siha mayujaja, qa paha kin on pakinta.

Olianyanpi kin 10:19

Wowanyake kin he Inyan awakicin un kin he icunhan, Woniya Wakan kin heciya; Wanyaka wo, wicaśta yamni onidepi.

Olianyanpi kin 10:31

Qa, Kornelios wocekiye nitawa kin he naḣonpi, qa taku wacantkiya ecanon kin he Wakantanka itokam kiksuyapi ce.

II. Korinth 2:4

Wicokakije tanka, qa wicocanteśica, qa iśtamnihanpe ota ehna wowapi cicagapi qon, iyokisinniyanpi kte cin heon hecamon śni; tuka nina canteciciyapi kin he sdonyayapi kte cin heon.

Ephesos 2:8

Wowaonśida kin on yanipi, wacinyanpi kin eciyatanhan, qa he niyepi kin etanhan śni, Wakantanka taku nic̣upi kin hee.

Philippi 1:29

Messiya he ayuco nic̣upi, iye wacinyayapi kte c̣a, nakun iye on kakiśniyanpi kte cin.

II. Thessalonike 1:11

Qa heon etanhan ohinniyan niyepi on ceunkiyapi, Wakantanka wicakico kin de iyehantu niyawapi kta, qa niyepi en iye towaśte oiyokipi kin ocowasin, qa wowaśake on wacinyanpi wicoḣan kin he nakun hduśtan kta.

II. Thessalonike 1:3

Mihunkawanji, wacinyayapi kin he nina icage c̣a, wacanyakiyapi kin otoiyohi en nina niciyuotapi kin, heon ohinniyan niyepi on, Wakantanka wopida unkekiciyapi kte cin he hecetu.

II. Timotheos 1:4

Wanciyaka nina wacin, iśtamnihanpe ota aniu qon hena weksuya, hecen wowiyuśkin omajudan kta;

Hebrew 12:17

Qa iyohakam woyawaśte kin hduhe kta, tuka ḣeyata iyeyapi, he sdonyayapi, qa token tawacin yutokeca kte cin he iyeye śni, iśtamnihanpe on nina akita tuka.

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.

Hebrew 5:7

He qe anpetu wicaceḣpi en un qehan, wocekiye, wokidapi ko eye c̣a, iśta mnigaga nina hoyekiye c̣a, tuwe wiconṭe etanhan ehdaku kta okihi kin he cekiye c̣a, kokipeyahan un kin, heon naḣonpi.