Markos 9:18 - Dakota Wowapi Wakan Kin

¹⁸ Qa tukten eyaku eca yuḣdeḣdeca ece; hecen i minitaga au, qa hi hdakinskinza, qa ḣanyan ece; unkan waonspewicayakiye cin hena tankan eḣpeyapi kta kewicawakiya, tuka okitpanipi.

Markos 9:18 ပူးပေါင်းရင်းမြစ်များ

Mattheos 15:22

Unkan iho, Kanan winoḣinca wan makoce kin hetanhan hiyu, qa hoyekiye qa heya; Itancan, Dawid Cinhintku, onśimada ye, micunkśi wakan śica yuhnaśkinyan, śicaya un.

Mattheos 17:16

Qa waonspewicayakiye cin wicawakahi, tuka asniyanpi kta okihipi śni.

Mattheos 8:12

Tuka wokiconze cincapi kin hena tankan iyewicayapi kta, otpaze ḣinca ekta; heciya wicaceya hi hdakinskinzapi ko yuke kta.

Markos 11:23

Awicakehan heciciyapi; Tuwe paha kin de, Tokan iyaye c̣a miniwanca kin en iyohpaya wo, eciye c̣a, cante kin en ceṭunhda śni, qa taku tona eye cin hena hecetu kta e wicada kinhan; he taku eye cin hena ecen yuhe kta.

Markos 9:17

Unkan wicota etanhan wanji ayupta; Waonspekiye, micinkśi woniya ie śni kin heca yuhe cin he cicahi.

Markos 9:19

Unkan waayupte c̣a hewicakiya; Wicoicage wicada śni, tohanyan cicipi waun kta; tohanyan iyowinciciyapi kta he. En makau po.

Markos 9:20

Hehan en kahipi. Unkan wanyag iheye cin hecehna woniya kin yuḣdeḣdeca; qa makata eḣpeye c̣a, i minitaga au paptanptan iyeic̣iya wanka.

Markos 9:26

Unkan hotanin qa nina yuḣdeḣdeca, qa tankata hinanpa; unkan wicaśta ṭa iyececa, hecen, Wanna ṭa ce, wicota eyapi.

Olianyanpi kin 7:54

Unkan hena taku kin naḣonpi hehan, cante kin ekta nina iyoyakapi, qa hi ahdakokokapi.

Judas 1:13

Miniwanca taja ohitika, iye wowiśtece tawapi kin minitaga iyecen hiyuyapi ece; wicanḣpi onuniyata unpi, on otpaza sape ḣinca owihanke wanin wicakicihnakapi.