Markos 9:13 - Dakota Wowapi Wakan Kin

¹³ Tuka heciciyapi ce; Awicakehan Elias wanna hi; unkan token cinpi kin ecen ecakiconpi, wowapi en kagapi qon iyececa.

Markos 9:13 ပူးပေါင်းရင်းမြစ်များ

Mattheos 11:14

Qa niś wicada wacannipi hecinhan Elias u kte ciqon he dee.

Markos 9:12

Unkan awicayupte c̣a heya; Awicakehan Elias tokaheya hi kta, qa taku owasin yuecetu kta; qa Wicaśta Cinhintku kin token taku ota kakije kta, qa ḣeyata iyeyapi kta e wowapi en kagapi qon, he nakun owicakiyaka.

Markos 9:14

Unkan waonspewicakiye cin en hdi qehan, wicihdukśan wicota ḣinca wanwicayaka; qa wowapi kagapi kin wiwicawangapi.

Lukas 1:17

Qa Elias toksape qa towaśake kin yuha itokam ye kta, qa atewicayapi cincawicayapi kin kici cante wicayuokonwanjidan, qa wanaḣonpi śni kin hena owotanna unpi wicoksape kin ekta wicayuhomni kta; qa oyate wan Itancan on ihduśtanpi kin wiyeya kicihnake kta e heon etanhan.

Olianyanpi kin 7:52

Wicaśta wokcan kin tukte wanji e nihunkakepi kin śicaya kuwapi śni he. Wanji Owotanna un kin he u kte cin tona oyakapi qon hena wicaktepi; qa he qe niś niyepi wanna iyopeyayapi qa yaktepi.