Markos 9:12 - Dakota Wowapi Wakan Kin

¹² Unkan awicayupte c̣a heya; Awicakehan Elias tokaheya hi kta, qa taku owasin yuecetu kta; qa Wicaśta Cinhintku kin token taku ota kakije kta, qa ḣeyata iyeyapi kta e wowapi en kagapi qon, he nakun owicakiyaka.

Markos 9:12 ပူးပေါင်းရင်းမြစ်များ

Mattheos 16:21

Hetanhan Jesus waonspewicakiye cin wowicakiyaka, Jerusalem ekta ye kta iyececa, qa wicaḣincapi, wośnapi kagapi, wowapi kagapi ko on taku ota kakije kta, qa ktepi kta, qa anpetu iciyamni hehan ake kini kta, hena owicakiyaka.

Mattheos 26:24

Wowapi en kagapi qon he iyecen, Wicaśta Cinhintku kin ye kta; tuka wicaśta kin Wicaśta Cinhintku kin wiyopeye cinhan he woteḣi kiciyanke kta; wicaśta kin he tohinni tonpi śni unkanś waśte kta tuka.

Markos 10:33

Iho, Jerusalem ekta itanwankanhde unyanpi; qa Wicaśta Cinhintku kin wośnapi kagapi, wowapi kagapi ko napepi kin en wicaqupi kta; unkan hena ṭe yacopi kta, qa Ikcewicaśta kin iyoopta wicaqupi kta:

Markos 9:13

Tuka heciciyapi ce; Awicakehan Elias wanna hi; unkan token cinpi kin ecen ecakiconpi, wowapi en kagapi qon iyececa.

Markos 9:31

He icunhan waonspewicakiye cin wowicakiyaka qa; Wicaśta Cinhintku kin wicaśta napepi kin en wicaqupi, unkan ktepi kta; qa ktepi iyohakam anpetu iciyamni hehan kini kta ce, ewicakiya.

Lukas 1:76

Qa niye, hokśiyoqopa, Wicasta wokcan Iyotan Wankantu tawa kin eniciyapi kta; Itancan tacanku kin wiyeya yecage kta on ite kin itokam de kta;

Lukas 23:11

Unkan Herod ozuye wicaśta wicayuhe cin om takuda śni, qa iḣaha kuwa, qa śina wan ayucopi in kiye, c̣a ake Pilate ekta iyayeya.

Lukas 23:39

Unkan oḣan śicapi en owicakatanpi qon wanji śicaya owakiye c̣a heya; Messiya he niye hecinhan niic̣iya wo, qa unkiś nakun.

Olianyanpi kin 1:6

Unkan hena witaya yukanpi hehan, Itancan, wanna dehantu Israel oyate wokiconze kin piya wicayaqu kta he, eya iwangapi.

Olianyanpi kin 4:11

Inyan kin de ticagapi yaunpi kin ayaktapi śni, tuka he oise en itancan kin ee.