Markos 8:38 - Dakota Wowapi Wakan Kin

³⁸ Heon etanhan tuwe, wicoicage wiinaḣman qa waḣtani sa kin de en, miye qa mioie kin on iśtece cinhan, tohan Wicaśta Cinhintku kin iye Atkuku towitan hduha, ohnihde wakan kin om u kinhan, wicaśta kin he on iśtece kta ce.

Markos 8:38 ပူးပေါင်းရင်းမြစ်များ

Mattheos 12:39

Tuka iye waayupte c̣a hewicakiya; Wicoicage śice c̣a wawiciḣaḣapi econ sa kin he wowapetokeca da, tuka wowapetokeca wanjidan qupi kte śni, Jonas wicaśta wokcan wowapetokeca tawa kin heceedan kta.

Mattheos 13:41

Wicaśta Cinhintku kin tona ohnihdewicaye cin hena yewicaśi kta; unkan tokiconze kin etanhan tona waḣtanipi qa taku śica econpi kin owasin pahipi kta:

Mattheos 16:27

Wicaśta Cinhintku kin iye Atkuku towitan hduha taohnihdewicaye cin em u kta; hehan wicaśta otoiyohi iye oḣanpi kin eciyatanhan wicaqu kta.

Mattheos 16:28

Awicakehan heciciyapi; Tona den najinpi kin etanhan wanjikji wiconṭe utapi kte śni, ecen Wicaśta Cinhintku kin iye tokiconze kin en u wanyakapi kta.

Mattheos 16:4

Wicoicage śice c̣a wawiciḣaḣapi econ sa kin he wowapetokeca wan da; tuka wowapetokeca wanjidan qupi kte śni; Jonas wicaśta wokcan tawowapetokeca kin heceedan. Unkan eḣpewicaya iyaya.

Mattheos 24:30

Unkan hehan maḣpiya en, Wicaśta Cinhintku kin wowakta tawa kin tanin kta. Hehan maka akan oyate owasin nihinciyapi kta, qa Wicaśta Cinhintku kin wowaśake qa wowitan tanka hduha, maḣpiya śapa akan u wanyakapi kta.

Mattheos 25:31

Tohan Wicaśta Cinhintku kin wowitan hduha, ohnihdewicaya wakan kin owasin om u kinhan, hehan wowitan oiyotanke tawa kin en kiyotanke kta:

Mattheos 26:64

Unkan Jesus heciya; Niye ecen eha; tuka nakun heciciyapi; Tokata ekta Wicaśta Cinhintku kin wowaśake etapa eciyatanhan iyotanka qa maḣpiya śapa akan u wandakapi kta.

Mattheos 8:20

Unkan Jesus heciya; Śungidan waśun tonpi, qa maḣpiya okinyanpi kin hoḣpi yuhapi ece; tuka Wicaśta Cinhintku kin tukten pa ipahinye kta yuhe śni.

Markos 13:26

Unkan hehan Wicaśta Cinhintku kin wowaśake tanka wowitan ko hduha maḣpiya śapa akan u wandakapi kta.

Markos 14:62

Unkan Jesus heya; He miye; qa Wicaśta Cinhintku kin wowaśake etapa eciyatanhan iyotanke c̣a, maḣpiya śapa akan u wandakapi kta ce.

Markos 8:37

Qa taku e wicaśta nagi kin tokiyopekiye kta he.

Lukas 19:26

Tona taku yuhapi kin hena owasin nakun wicaqupi ece e kta; qa tuwe taku yuhe śni kinhan, taku yuhe cin hee kaeś ekiciyakupi kta ece, eciciyapi ce.

Lukas 9:26

Tuwe miye qa mioie kin on iśtece cinhan, hee on Wicaśta Cinhintku kin iśtece kta, tohan iye towitan, qa Atkuku tawa qa taohnihde wakan tawapi kin hduha u kinhan.

Johannes 1:14

Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Johannes 1:51

Unkan heciya; Wowicake, wowicake eciyatanhan heciciyapi, Tokata maḣpiya kin yuzamnipi, qa Wakantanka taokiye kin wankantkiya yapi, qa ake kuntkiya upi, qa Wicaśta Cinhintku kin en himniciyapi wandakapi kta ce.

Johannes 12:34

Oyate kin ayuptapi; Woope kin eciyatanhan, Messiya owihanke wanin un kta ce, eyapi naunḣonpi; hecen, Wicaśta Cinhintku kin wankan ehdepi kta ce, token on hecen eha he; Wicaśta Cinhintku kin he tuwe he.

Johannes 5:27

Qa nakun wowaśake woyaco kin he nakun Cinhintku qu, Wicaśta Cinhintku kin e heon etanhan.

Olianyanpi kin 10:22

Unkan iś heyapi; Kornelios akicita opawinge wicayuhe cin, wicaśta owotanna, qa Wakantanka kokipeyahan un he Juda oyate kin iyuḣpa oyakapi, hee maḣpiya ohnihde wakan wan okiye c̣a, tuwe nihuwe u wicaśi, qa iye ti kin ohna nioie kin naḣon kta, keya ce, eyapi.

Olianyanpi kin 5:41

Unkan iye omniciye kin etanhan hdapi, qa Jesus caje kin on wowiśtece en awicaupi iyececa wicayawapi kin heon wiyuśkinpi.

Roma 1:16

Messiya tawootanin waśte kin on imaśtece śni; he niwicaye kte cin on Wakantanka to waśake kin hee, tona wicadapi kin hena en, Juda wicaśta kin he tokaheya, qa hehan Helenes wicaśta kin hena.

Galatia 6:14

Tuka takudan on imawinkta śni nunwe, Jesus Messiya Itancan unkiyapi ean susbeca tawa kin hecedan on, he on miye ekta wicoicage kin icipaweḣ okatanpi, qa wicoicage kin ekta icipaweḣ omakatanpi.

I. Thessalonike 2:19

Woape, qa wowiyuśkin, qa wowinkta wateśdake unkitawapi kin he taku he; he niś niyepi śni he; Jesus Messiya Itancan unkiyapi hi kinhan he itokam.

I. Thessalonike 3:13

Qa heon wowakan en nicantepi kin iyaonpepica śni niciyusutapi kta, Wakantanka Ateunyanpi kin itokam, tohan Jesus Messiya Itancan unkiyapi kin tona wicayuwakan kin owasin om hi kinhan.

II. Timotheos 1:12

Qa he etanhan hena taku on iyotanhan iyewakiya; tuka imaśtece śni. Tuwe wacinwakiye cin he sdonwakiye c̣a, taku ehnake waśi kin hena anpetu wan u kte cin hehanyan miciyuha okihi sdonwaya.

II. Timotheos 1:16

Onesiphoros tiyohnaka tawa kin Wakantanka onśikida nunwe; iye ota micanpte c̣a makaśkapi kin on iśtece śni.

II. Timotheos 1:8

Hecen Itancan unkiyapi tawootanin kin on iśtece śni wo, qa nakun miye makaśkapi tawa waun kin; tuka Wakantanka towaśake kin eciyatanhan wotanin waśte en wokakije kin en okicipa wo:

Hebrew 11:16

Tuka nakaha wanji iyotan waśte maḣpiya ekta wanke cin hee akitapi. Heon etanhan Wakantanka hena Wakantanka tawapi kin eciyapi kta iśtece śni, qa otonwe wan wiyeya ewicakicihnaka.

Hebrew 11:26

Messiya on aiapi kin he, woyuha Egupta en un kin sam iyeya wowijice tanka daka; wokajuju iyunwin kin he awacin kin heon etanhan.

Hebrew 13:13

Hecen iye on aiapi qon aiḣpeunyanpi kin yuha ekta wicoti kin tankan unyanpi kta.

Jakob 4:4

Wiinayaḣmanpi qa wawiciḣaḣapi ecanonpi kin, wicoicage kin de waśtedapi kin he Wakantanka śicedaka e sdonyayapi śni he. Heon tuwe wicoicage kin de wotakuye wacin kinhan, he Wakantanka tokaya.

I. Johannes 2:23

Tuwe Cinhintkuyapi kin wicada śni kin he Ateyapi kin yuhe śni: tuka tuwe Cinhintkuyapi kin oyake cinhan, he Ateyapi kin nakun yuha ece.

I. Johannes 2:28

Unkan dehan, hokśiyopa cikcistinpidan, iye kici un po; hecen tohan iye ihdutanin kinhan wacinunyanpi kta, qa taninyan hinajin kinhan, itokam unkiśtecapi kte śni.

Wayuotanin 14:10

He Wakantanka wocantiyahde miniśa tawa kin wocanteptanye miniyatke tawa kin en okaśtan kin hetanhan yatke kta, qa maḣpiya ohnihde owotanna un kin hena wicitokam, qa Amnos kin itokam, peta, caḣdi ko en kakiśyapi kta.