Markos 8:34 - Dakota Wowapi Wakan Kin

³⁴ Unkan oyate kin waonspewicakiye cin om wicakico qehan, hewicakiya; Tuwe kaśta omape kta hecinhan, waipiic̣ida kta, qa cansusbeca kic̣in kta, qa mihakam u kta.

Markos 8:34 ပူးပေါင်းရင်းမြစ်များ

Mattheos 10:38

Qa tuwe cansusbeca tawa kin ehdaku śni qa miyahna u śni kinhan, he mici un kta iyecece śni.

Mattheos 16:24

Hehan Jesus waonspewicakiye cin hewicakiya; Tuwe miyahna u kta cin kinhan, waipiic̣ida kta, qa cansusbeca ehdaku qa mihakam un kta.

Mattheos 27:32

Tankan ayapi hehan wicaśta wan Kurene etanhan, Simon eciyapi, he wanyakapi; unkan he cansusbeca kin kicic̣inkiyapi.

Markos 10:21

Hehan Jesua atonwe c̣ehan waśtekidake c̣a heciya; Taku wanji ninica; hde c̣a taku duhe cin wiyopeya, qa waḣpanicapi kin wicaqu wo, kinhan maḣpiya ekta wowijice duhe kta; hehan ku, can susbeca kic̣in, qa mihakam u wo.

Markos 7:14

Unkan oyate kin owasin wicakico, hehan hewicakiya; Owasin anamagoptan po, qa okaḣniga po.

Lukas 13:24

Tiyopa cistiyedan kin he ohna dapi kta nina akita po: wicota ohna yapi akitapi kta, tuka okihipi kte śni, eciciyapi ce.

Lukas 14:33

Iho, he iyecen niyepi kin tuwe taku yuhe cin owasin tpagan śni ehantanhan, waonspewicawakiye cin wanji ee kta okitpani ce.

Lukas 18:22

Unkan Jesus hena naḣon qehan heciya; Nahanḣin taku wanji iyotpani yaun; taku yaton kin owasin wiyopekiye c̣a waḣpanicapi kin wicakipamni wo, kinhan maḣpiya ekta woyuha duhe kta ce; hehan u qa mihakam un wo.

Lukas 20:45

Unkan hehan oyate owasin naḣon hiyeye cin en, waonspewicakiye cin hewicakiya;

Lukas 9:23

Unkan owasin hewicakiya; Tuwe miyahna u wacin kinhan, waipiic̣ida, qa anpetu otoiyohi cansusbeca kin kic̣in, qa miyahna u kta.

Johannes 10:27

Taḣinca mitawa kin miho kin naḣonpi, qa hena sdonwicawakiya, qa mihakam unpi.

Johannes 19:17

Unkan Jesus can susbeca kic̣in, qa makoce wan Wicapahu eciyapi, he Hebrew iapi on Golgotha eciyapi, he ekta aya.

Olianyanpi kin 14:22

Qa waonspewicakiyapi nagipi kin waśag wicakiyapi, qa wacinyanpi kin en kitanyan unpi kta e iwahokonwicakiyapi, qa wokakije ota iyoopteya Wakantanka tokiconze kin en unkipi kta ce.

Roma 6:6

Qa wicaśta tanina unhapi kin he iye kici icipaweḣ okatanpi kin he sdonunkiyapi, hecen woaḣtani tancan kin he ihangyapi kta, qa hetanhan woaḣtani wowidag unyanpi kte śni.

Roma 8:17

Unkan uncincapi kinhan tawayapi kte cin heuncapi; Wakantanka tawayapi; Messiya kici tawayapi kte cin; kici unkakijapi kinhan, nakun kici wowitan unhapi kta ce.

I. Korinth 15:31

Jesus Messiya Itancan unkiyapi kin en widuśkinpi kin en owape cin he cajemdate c̣a, Anpetu iyohi maṭa ce, epa.

I. Korinth 8:13

Heon etanhan woyute kin mihunkawanji waḣtaniye cinhan, ohinniyan tado wate śni waun kta, okinni mihunkawanji waḣtaniwaye kta.

I. Korinth 9:19

Wicasśta owasin ekta wowidake śni waun tuka owasin wowidake mayuhe wicawakiya, wanjikśi okihiwicawaye kte cin heon hecamon.

Galatia 2:20

Messiya kici icipaweḣ omakatanpi; tuka nahaḣin wani; qa he miye śni tuka miye mahen Messiya ni un kin hee; qa wicaceḣpi kin en wani kin he Wakantanka Cinhintku wacinyanpi kin eciyatanhan wani, he iye cantemakiye c̣a miye on iyeic̣ic̣u.

Galatia 5:24

Unkan tona Messiya tawa wicaye cin hena wicaceḣpi kin icipaweḣ okatanpi, qa wacinyuzapi cantiheyapi koya.

Galatia 6:14

Tuka takudan on imawinkta śni nunwe, Jesus Messiya Itancan unkiyapi ean susbeca tawa kin hecedan on, he on miye ekta wicoicage kin icipaweḣ okatanpi, qa wicoicage kin ekta icipaweḣ omakatanpi.

Philippi 3:10

Hecen he iye sdonwaye kta, qa piya ikicage cin wowaśake kin, qa iye kakije cin okicipapi kin hena ko, iye ṭe cin ouncage kin en imacage kta:

Philippi 3:7

Tuka taku tona mihdamna qon hena Messiya on takuśni wadake:

Kolosse 1:24

Nakaha niyepi kin on etanhan makakije cin neon imduśkin, qa Messiya wokakije tawa, taku miceḣpi kin en yuśtanpi śni kin hena iye tancan kin, okodakiciye kin hee, on weciyuśtan kta.

Kolosse 3:5

Heon etanhan, nihuhapi makata un kin hena kikte po: wiinaḣmanpi, waaśapapi, wawihnupi, tawacinśicapi, waicucupiktecin, he wakagapi ohodapi kin hee.

II. Thessalonike 3:11

Enitanhanpi wanjikji ecinśniyan mani pi, qa ecaca ḣtanipiśni, tuka waaie sa hecapi kin he naunḣonpi.

Titos 2:12

Wakantanka aktapi śni, qa wicoicage cantiheyapi kin hena eḣpeunyanpi kta, qa nakaha wiconi kin en, wacinksamya, owotanna, wakanyan unnipi kta e onspeunkiyapi.

Hebrew 13:13

Hecen iye on aiapi qon aiḣpeunyanpi kin yuha ekta wicoti kin tankan unyanpi kta.

I. Inyan 4:1

Heon etanhan, Messiya wicaceḣpi en unkiyepi on kakije cin heon, niś eya iyecen tawacin kic̣un po: tuwe wicaceḣpi kin en kakije cin he wanna woaḣtani ayuśtan:

I. Inyan 4:13

Tuka Messiya kakije ciqon en oyapapi kin heon iyuśkin po; hecen tohan towitan tanin kinhan nina iduśkinpi kta.

II. Inyan 1:14

Wakeya mitawa kin de aśkadan wehnake kta sdonwakiya, Jesus Messiya Itancan unkiyapi omakiyake ciqon iyececa.

I. Johannes 3:16

Deciyatanhan wacantkiyapi kin sdonunyanpi; iye kin unkiyepi on wiconi eḣpekiye cin heon; hecen unkiś eya hunkawanjinkiciyapi kin on wiconi eḣpeunkiyapi kta iyececa.

Wayuotanin 2:10

Token nicakije kte cin ihnuhan taku koyakipe cin. Iho, Wakanśica niyepi wanjikji wicakaśka tipi kin en iyeniyanpi kta, iniyukcanpi kta e heon; unkan anpetu wikcemna hehanyan wokakije duhapi kta; tuka wicaṭe cin hehanyan wicaka wo, kinhan wiconi wateśdake wan cic̣u kta.