Markos 8:31 - Dakota Wowapi Wakan Kin

³¹ Hehan wowicakiyaka, Wicaśta Cinhintku kin taku ota kakije kta; wicaḣincapi qa wośnapi kagapi, wowapi kagapi ko ḣeyata iyeyapi kta, qa ktepi kta; qa anpetu yamni iyohakam kini kta.

Markos 8:31 ပူးပေါင်းရင်းမြစ်များ

Mattheos 12:40

Anpetu yamni qa hanyetu yamni hehanyan Jonas hogan tanka tezi kin ohna un qon, he iyecen anpetu yamni qa hanyetu yamni Wicaśta Cinhintku kin maka cante kin en un kta.

Mattheos 21:42

Hehan Jesus hewicakiya; Inyan wan tipi kagapi kin eḣpeyapi qon he oise pa kin icaga; he Itancan kin eciyatanhan hecetu, qa unkiśapi en taku wowapetokeca kin hee, eyapi kin he tohinni wowapi wakan kin en dawapi śni he.

Mattheos 27:63

Qa heyapi; Itancan, wicahnaye sa kin de ni un qehan, Anpetu yamni hehan wakini kta ce, eya keyapi, he unkiksuyapi.

Markos 12:10

Wowapi kin de dawapi śni he; Ticagapi inyan wan eḣpeyapi qon he oise en pa icaga ce.

Lukas 17:25

Tuka ito tokaheya taku ota on iyotanhan iyekiye kta, qa wicoicage kin de on ḣeyata iyeyapi kta ce.

Lukas 24:26

Messiya dena decekcen ito kakije c̣a wowitan tawa kin en hde kte cin he hecetu śni he.

Lukas 24:44

Qa hewicakiya; Nahaḣin om ciunpi qon ehan, wicoie ociciyakapi qon he dee ce; Moses wicoope tawa, qa wicaśta wokcan, qa odowan kin, henakiya en miye on taku token owapi qon owasin ecen yuśtanpi kta iyececa ce, eya.

Johannes 12:48

Tuwe amaktaśni, qa mioie kin icu śni kinhan he tuwe yaco kte cin hduha; wicoie omdake cin anpetu ihankeya kin en yaco kte cin hee.

Johannes 2:19

Unkan Jesus waayupte c̣a, Tipi kin de ihangya po, qa anpetu iciyamni kin han ake ekicetuwaye kta, ewicakiya.

Olianyanpi kin 7:35

Moses aktapi śni qa; Tuwe wicaśta itancan qa wayaco nicaga he, eciyapi qon he Wakantanka wicaśta itancan wanikiya ko kage c̣a ye śi, maḣipiya ohnihde can yuḣaḣa kin en taninic̣iye cin he nape kin on.

I. Korinth 15:4

Qa hnakapi, qa anpetu iciyamni kin piya ikicage cin, wowapi wakan eye cin ecetu.