Markos 7:7 - Dakota Wowapi Wakan Kin

⁷ Tuka wicaśta akantu tawoahope kin hena woonspe eekiyapi, qa oyakapi ece kin heon ohomadapi kin he taku śni.

Markos 7:7 ပူးပေါင်းရင်းမြစ်များ

Mattheos 15:9

Wicaśta wicoope kagapi kin hena woope keya onspewicakiyapi, qa on mayuonihanpi kte cin he takudan okihi śni ece.

Mattheos 6:7

Ceyakiyapi kinhan akihdehde oie kic̣unpi śni po, Ikcewicaśta econpi kin iyececa; hena e iapi ota unpi kin on nawicaḣon kta kecinpi.

I. Korinth 15:14

Qa Messiya piya ikicage śni hecinhan, hehan unkoyakapi kin he taku śni qa wacinyayapi kin he nakun taku śni.

I. Korinth 15:58

Hecen mihunkawanji waśte cicidapi kin, sutaya yahanpi, qa pahoho śni yaunpi nunwe; qa ohinniyan Itancan oḣan kin en aic̣iciya po, Itancan kin on ḣtayanipi kin he taku śni wanice kta sdonyayapi kin heon etanhan.

Kolosse 2:22

Hena owasin unpi kin on yasotapi ece; wicaśta akantu wicoope qa woonspe kin eciyatanhan.

Titos 3:9

Tuka witkoya wiwangapi, qa wicoicage oyakapi, qa wawakipajinpi, qa woope akinicapi kin hena okamnayan ya wo; hena takudan okihi śni qa ecinśniyan un.

Jakob 1:26

Tuwe niyepi kin etanhan woohodapi kin en opa se ececa hecinhan, qa ceji hdaśke śni, tuka iye cante ic̣ihnaye cinhan, he woohodapi ope cin he taku śni.

Jakob 2:20

Tuka, wicaśta wacinton śni kin, wacinyanpi wicoḣan codan kin he ṭa e sdonyaye kta he.

Wayuotanin 22:18

Tona wowapi kin de wowiyukcan oie kin naḣonpi kin hena kaken ewicawakiya; Tuwe wicoie kin dena en taku sanpa kage cinhan, he wicokakije wowapi kin de en cajeyatapi kin Wakantanka qu kta: