Markos 7:27 - Dakota Wowapi Wakan Kin

²⁷ Tuka Jesus heciya; Wicacinca kin hena tokaheya wotapi kta; wicacinca aguyapi tawapi kin icupi, qa śunka wicaqupi kta he hecetu śni.

Markos 7:27 ပူးပေါင်းရင်းမြစ်များ

Mattheos 10:5

Dena akenonpapi kin Jesus yewicaśi, wahokonwicakiye c̣a heya; Ikcewicaśta tacanku wan ohna yapi śni po, qa Samaria oyate otonwe tawapi kin en yapi sni po:

Mattheos 7:6

Taku tona wakan kin hena śunka wicaqupi śni po, qa inyan teḣika nitawapi kin kukuśe wicitokam eḣpeyapi śni po; okinni siha on amanipi kta, qa akeś hdicupi qa niyaḣdecapi kta.

Markos 7:26

He Hellenes winoḣinca kin heca, Surophenikiya oyate kin etanhan; unkan taku wakan śica cunwintku kin etanhan hinanpe śi kta e icekiya.

Markos 7:28

Unkan iye waayupte c̣a heciya; Han, Itancan; tuka wahna wotapi kin ihukuya hokśiyopa yuśnapi kin śunka yutapi ece.

Olianyanpi kin 22:21

Hehan, Hunktiya wo, detanhan tehan ye ciśi, Ikcewicaśta kin ekta, emakiya ce.

Roma 15:8

Miye kin kaken epe; Jesus Messiya bakiḣdayapi wicoḣan kin en ookiye ikicaga, Wakantanka towicake kin heon, qa hunkakepi kin wahowicayapi qon he hduecetu kte cin heon etanhan.

Ephesos 2:12

He chan Messiya yuhe śni yaunpi; Israel wokiconze kin iyenicihantupi śni, qa wahoyapi wicotakuye kin sdonyayapi śni, wowacinye ninicapi, qa wicoicage kin en Wakantanka codan yaunpi.