Markos 7:21 - Dakota Wowapi Wakan Kin

²¹ Mahentanhan, wicacante kin etanhan wicotawacin śica hiyu; wawiciḣaḣapi, wiinaḣmanpi, tinwicaktepi,

Markos 7:21 ပူးပေါင်းရင်းမြစ်များ

Mattheos 15:19

Wicacante kin eciyatanhan wicotawacin śica hiyu ece; tinwicaktepi, wawiciḣaḣapi, wiinaḣmanpi, wamanonpi, woitonśni qa wicayaśicapi kin.

Mattheos 9:4

Unkan Jesus canteyuzapi kin wanyaka hehan heya; Tokeca cante mahen taku śica awacannipi he.

Markos 7:20

Unkan heya; Taku wicaśta kin etanhan hinanpe cin he wicaśta kin yuśapa ece.

Markos 7:22

Wamanonpi, waicucupikte, wośice, wohnaye, wowiḣaḣa, iśtaśica, wayaśicapi, wahanicidapi, witkotkokapi;

Lukas 16:15

Unkan hewicakiya; Wicaśta kin wicitokam ihdaowotanpidan kin he niyepi; tuka Wakantanka nicante ozepi kin he sdonniyanpi ce: ecaeś wicaśta ekta taku takudapi ḣince cin hee Wakantanka waḣteda śni ece.

Olianyanpi kin 5:4

Nahaḣin ecen un qon he ehan yahduhe śni he; qa wiyopekiyapi kin he ehan nakun nitawa śni he. Tokeca nicante ekta hecen econ wacani he. Wicaśta akantu kin hee śni, tuka Wakantanka en iyatonśni ce.

Olianyanpi kin 8:22

Heon etanhan taku śice cin de on iyopeic̣iye c̣a, Wakantanka cekiya wo, nicante taku awacin kin nicicajujupi nun ce.

Roma 7:5

Wicaceḣpi kin en unyakonpi qehan, woaḣtani wocantiheye kin, woope kin eciyatanhan un kin, hena waskuyeca wiconṭe icaḣkiciciye kta e heon unhuhapi kin en oḣanyan.

Roma 7:8

Hehan woaḣtani woahope kin wowinyunye c̣a, miye mahen wocantiheye śice cin owasin micaga. Woope codan woaḣtani ṭa wanka.

Kolosse 3:5

Heon etanhan, nihuhapi makata un kin hena kikte po: wiinaḣmanpi, waaśapapi, wawihnupi, tawacinśicapi, waicucupiktecin, he wakagapi ohodapi kin hee.

Titos 3:3

Ehanna unkiś eya wacin untonpi śni, qa waanaungoptanpi śni, unhnayanpi, qa cantiheyapi śica ota, qa iyokipiic̣iyapi kin en wowidake unyakonpi, wocanniye, icekinpi ko en unnipi, waḣte śni unyakonpi, qa otoiyohi śiceunkicidakapi.

Jakob 2:4

Otoiyohi tanyan canteyeciyuzapi śni, qa wicotawacin śica eciyatanhan widukcanpi śni he.