Markos 6:6 - Dakota Wowapi Wakan Kin

⁶ Unkan wicadapi śni kin heon yuśinyaya. Qa otonwe ihdukśan wanke cin ektakta waonspewicakiya iyaya.

Markos 6:6 ပူးပေါင်းရင်းမြစ်များ

Mattheos 4:23

Unkan Jesus Galile owancaya iyaya, omniciye tipi yuhapi kin ohna waonspewicakiye c̣a, wokiconze wotanin waśte kin oyaka ece, qa oyate kin en wowayazan owasin qa wicocante śica owasin asniyan ece.

Mattheos 8:10

Unkan Jesus he naḣon qehan yuśinyaya, qa ihakam unpi kin hewicakiya; Awicakehan heciciyapi, Israel hee kaeś en wacinyanpi hinsko tanka iyewaye śni ce.

Mattheos 9:35

Unkan Jesus otonwe kin owasin, otonwe ciqadan ko iyaza un, omniciye tipi yuhapi kin ohnahna waonspekiye c̣a wokiconze wotanin waśte kin he oyaka ece; qa wayazankapi owasin, oyate kin en teḣiya unpi ko asniwicaya ece.

Markos 1:39

Unkan Galile makoce kin owancaya, omniciye tipi kin ohna woyake c̣a, wakan śica hinape wicakiya ece.

Markos 10:1

Hetanhan najin hiyaye c̣a, Jordan akasanpatanhan, Juda makoce kin en hi: unkan ake oyate kin en witaya kata iheya; qa econ ece qon he iyecen ake wowicakiyaka.

Lukas 13:22

Unkan otonwe qa otonwe ciqadan iyaza ye c̣a, waonspekiya; qa Jerusalem etkiya ya.

Lukas 4:31

Qa Galile en Kapernaum otonwe kin he ekta hi, qa anpetu wakan eca waonspewicakiya ece.

Lukas 4:44

Hecen Galile omniciye tipi kin hena ohnahna woyaka ece.

Johannes 9:30

Unkan wicaśta kin he waayupte c̣a hewicakiya; Taku wowinihan kin he dee; naka ista mayumdaya, tuka tokiyatanhan u kin sdonyayapi śni.

Olianyanpi kin 10:38

Jesus Nazareth etanhan kin he Wakantanka sdakiya, Woniya Wakan wowaśake ko on; qa he qe taku waśte econ iyaya ece, qa tona taku wakan śica wicayuhnaśkinyan kin hena okiziwicaya ece, Wakantanka kici un kin heon.