Markos 6:56 - Dakota Wowapi Wakan Kin

⁵⁶ Unkan otonwe ciqadan, qa otonwe tanka, qa ihdukśan makoce wanke cin, tukte en ya eca, canku ohna wayazankapi kin ahiwicahnakapi qa cekiyapi; tawokoyake opapun hee kaeś yutanpi kta; unkan tona yutanpi kin hena asnipi ece.

Markos 6:56 ပူးပေါင်းရင်းမြစ်များ

Mattheos 14:36

Qa cekiyapi, taśina opapun heceedan kaeś yutanpi kta heon; unkan tona yutanpi kin owasin tanyan asnipi.

Mattheos 9:20

Unkan iho, winoḣinca wan waniyetu ake nonpa wayazanka, we ece iheya, he idazatanhan en u qa taśina opapun kin yutan:

Markos 3:10

Wicaśta ota asniwicaya; heon tona tancan śihtinpi kin hena yutanpi kta e yuotinzapi.

Markos 6:55

Qa makoce kin he owancaya inyang yapi, qa tukten un naḣonpi kinhan, wicaśta wayazankapi kin owinja akan wicayuhapi, qa en awicayapi.

Lukas 22:51

Unkan Jesus waayupte c̣a, Hehanyan iyowinmakiya wo, eye c̣a noge yutan, qa asniyan.

Lukas 6:19

Unkan wicota kin iyuḣpa yutanpi kta akitapi; etanhan wowaśake hiyu qa owasin asniwicaya ece kin heon etanhan.

Lukas 8:44

Hee tapetepa tanhan u, qa tawokoyake opapun kin yutan: unkan hecehnana we au qon he anapta.

Olianyanpi kin 4:12

Qa tuwe tokeca eciyatanhan wanikiyapi kin yuke śni; qa wicacaje tokeca maḣpiya kin ihukuya wicaśta wicaqupi, on unnipi kte cin wanica ce.

Olianyanpi kin 4:9

Anpetu kin de wicaśta huśte qon tanyan ecakiconpi, qa token on okizi kin, he on wiunyanungapi hecinhan;

Olianyanpi kin 5:15

Hecen tona wicayazan kin hena tankan awicaupi, qa canku otoiyohi ohna, ohehdepi qa owinja ko akan ahiwicahnakapi, Inyan hen hiyaye cinhan hunḣ ohanzi wicaye kte cin heon.