Markos 6:41 - Dakota Wowapi Wakan Kin

⁴¹ Unkan aguyapi zaptan qa hogan nonpa hena icu, hehan maḣpiya ekta etonwe c̣a yawaśte, qa aguyapi yuśpaśpa, qa waonspewicakiye cin wicaqu, oyate kin wicaqupi kta heon; nakun hogan nonpa kin hena owasin wicakipamni.

Markos 6:41 ပူးပေါင်းရင်းမြစ်များ

Mattheos 14:19

Unkan oyate kin wato en iyotanke wicaśi, qa aguyapi zaptan qa hogan nonpa nakun icu, qa maḣpiya ekta etonwan, hehan yawaśte, qa yuśpaśpa qa waonspewicakiye cin wicaqu, unkan waonspewicakiye cin iś oyate kin wicaqupi.

Mattheos 15:36

Qa aguyapi śakowin icu, hogan kin hena nakun, qa yawaśte, hehan kiyuśpaśpa qa waonspewicakiye cin wicaqu; unkan waonspewicakiye cin oyate kin wicaqupi.

Mattheos 26:26

Unkan wotapi icunhan Jesus aguyapi icu, qa yawaśte, qa yuśpaśpa, qa waonspewicakiye cin wicaqu, qa heya; Icupi qa yuta po; mitancan kin he dee.

Markos 14:22

Unkan wotapi icunhan Jesus aguyapi icu, yawaśte, qa kiyuśpa, qa wicaqu, qa heya; Icupi qa yuta po; mitancan kin he dee.

Markos 6:40

Unkan optayeton iyotankapi, opawingege qa wikcemna zaptanptan.

Markos 6:42

Unkan iyuḣpa wotapi qa imnanpi.

Markos 7:34

Hehan maḣpiya ekta etonwe c̣a comnihdazi qa heciya; Ephatha, yuḣdokapi nunwe, eyapi kin he kapi.

Markos 8:19

Aguyapi zaptan wicaśta kektopawinge zaptan wicawakipamni, hehan oyaptapi kin makanopiye ohnaka tona yapahipi he. Akenonpa, eyapi.

Lukas 24:30

Unkan om wota yanke c̣ehan, aguyapi eyaku, qa yawaśte, qa yuśpaśpa, qa wicaqu.

Lukas 9:16

Hehan aguyapi zaptan qa hogan nonpa qon hena icu; qa maḣpiya ekta etonwan, qa yawaśte, qa yuśpaśpa, qa waonspewicakiye cin wicaqu; qa iye oyate kin wicitokam ewicakicihnakapi kta.

Johannes 11:41

Hehan inyan kin tokan iyeyapi; wicaśta ṭa wanke cin etanhan. Unkan Jesus iśta yuwankan ikikcu, qa heya; Ate ciyawaśte, namayaḣon kin heon;

Johannes 17:1

Jesus hena hecen eye c̣a hehan iśta yuwankan icu, qa maḣpiya kin ekta etonwan qa, Ate wanna anpetu kin hiyohi, Nicinkśi kin hdutan wo, hecen on Nicinkśi kin nihdutan kta ce.

Johannes 6:11

Hehan Jesus aguyapi kin hena icu qa yawakan, qa waonspewicakiye cin wicaqu; unkan waonspewicakiye cin iyotang hiyeye cin wicakipamnipi; qa nakun hogan tohanyan cinpi kin.

Johannes 6:23

Tuka Jesus aguyapi yawakan qa yutapi qon he en ikiyadan Tiberias eciyatanhan wata toktokeca en hipi.

Olianyanpi kin 27:35

Hena hecen eya hehan aguyapi icu, qa owasin wicitokam Wakantanka cekiye c̣a, kiyuśpe c̣a yuta.

Roma 14:6

Tuwe anpetu wan awacin kinhan he Itancan kin on awacin; qa tuwe anpetu kin awacin śni kinhan, Itancan kin ekta awacin śni. Tuwe wote cinlian, he Itancan kin on wota, qa Wakantanka wopida eciya; qa tuwe wote śni kinhan, Itancan kin on wote śni, qa Wakantanka wopida eciya ece.

I. Korinth 10:31

Heon wayatapi qa wadatkanpi, qa taku kaśta ecanonpi kin owasin Wakanatanka yatanpi kta e on econ po.

Kolosse 3:17

Qa taku ecanonpi kinhan, wicoie qa wicoḣan kin unma tukte kaśta, Jesus Itancan kin caje on owasin econ po, qa on Wakantanka Ateyapi kin wopida eciya po.