Markos 6:34 - Dakota Wowapi Wakan Kin

³⁴ Unkan Jesus ekta ihunni, hehan wicota wanwicayaka, qa onśiwicakida, taḣinca wanunyanpi tuwedan wicayuhe śni kin iyececapi heon, qa hecen taku ota onspewicakiya.

Markos 6:34 ပူးပေါင်းရင်းမြစ်များ

Mattheos 14:14

Unkan huta ekta ihunni qehan, wicota wanwicayaka; qa onśiwicakida, qa tona teḣiya unpi kin hena asniwicaya.

Mattheos 15:32

Hehan Jesus waonspewicakiye cin wicakico qa hewicakiya; Oyate kin onśiwicawakida, wanna yamni can taku yute śni mici unpi; qa wote śni hdewicawaśi kta tawatenwaye śni, okinni tahepi iḣpayapi kta.

Mattheos 9:36

Tuka wicota wanwicayaka hehan onśiwicakida; nina mdokiṭapi qa enanakiya iyayapi ece, taḣinca wanunyanpi tuwedan wicayuhe śni iyececa.

Markos 6:33

Tuka yapi kin wicaśta ota wanyakapi, qa he iye iyekiyapi: qa otonwe owasin etanhan ekta inyang iyayapi, qa kawicapapi, qa en i kte cin hen mniciyapi.

Markos 6:35

Unkan wanna wi kucedan hehan, waonspewicakiye cin en hipi qa heciyapi; De ḣewotahedan makoce qa anpetu kin wanna owihanke:

Markos 8:1

Unkan anpetu kin hena en nina wicota ḣinca, qa takudan yutapi śni, hehan waonspewicakiye cin wicakico qa hewicakiya

Markos 8:2

Wicota kin onśiwicawakida, wanna yamni can mici unpi, qa taku yutapi takudan yuhapi śni.

Lukas 9:11

Unkan oyate kin sdonyapi qehan, ihakam eyaya: unkan iyowinwicakiye c̣a, Wakantanka tokiconze kin he iwowicakiyake c̣a, tona asniyanpi cinpi kin hena asniwicaya.

Hebrew 2:17

Heon etanhan taku owasin en, iye hunawanjinwicaye cin iyecen ikicage kte cin he hecetu; hecen taku Wakantanka tawa kin en, Wawayuśna Itancan waonśida, qa wicake kta, qa oyate waḣtanipi kin on wookiye wicakicage kta.

Hebrew 4:15

Wawajuśna itancan kin, unkiye unkakijapi kin en unkicanptapikta okihi śni kin heca unhapi śni, tuka iye taku owasin on iyutanyanpi, unkiye iyeuncecapi, tuka woaḣtani codan un.