Markos 6:21 - Dakota Wowapi Wakan Kin

²¹ Tuka anpetu iyehantu qehan, Herod anpetu en tonpi qon he ehan, wicaśta itancanpi wicayuhe c̣a, akicita tan can tankapi, qa Galile en wicaśta tokaheya kin hena, ḣtayetu wotapi wan wicakicaga.

Markos 6:21 ပူးပေါင်းရင်းမြစ်များ

Lukas 3:1

Unkan Tiberius Kesar wicaśtayatapi un waniyetu iakezaptan, Pontius Pilate Juda en itancan, Herod Galile en itancan, qa iye sunkaku Philip Itureya qa Trakonitos en itancan, qa Lusanius Abilene en itancan;

Olianyanpi kin 25:23

Unkan ihanḣanna qehan, Agrippa Bernike kici wokoyake waśteśte kic̣un hipi, qa wanaḣon tipi kin en tin ipi; qa nakun akicita tancanpi kin, qa otonwe en wicaśta tokapapi kin hena ko; hehan Phestos econwicaśi kin on Palos en ahipi.

I. Inyan 4:3

Hekta unnipi kin, Ikcewicaśta tawacinpi kin ecen econkupi kin he ota, wicoḣan śica, wocantiheye śica, miniśa ota, wakan wacipi, witkopi, qa wakagapi wakandapi śice cin hena omaunnipi qehan.

Wayuotanin 11:10

Unkan hena on etanhan tona makoce kin en ounyanpi kin magagaic̣iyapi, qa wiyuśkinpi kta, qa taku kicic̣upi kta, waayatapi nom tona maka akan ni un kin kakiświcayapi qon hena on etanhan.