Markos 6:12 - Dakota Wowapi Wakan Kin

¹² Unkan iyayapi, qa wicaśta ihduecetupi kta e woyakapi.

Markos 6:12 ပူးပေါင်းရင်းမြစ်များ

Mattheos 11:1

Unkan Jesus waonspewicakiye akenonpapi kin taku econwicaśi ayaśtan, hehan hetanhan iyaya, otonwe tawapi kin ohnahna woyake kta qa waonspekiye kta.

Mattheos 11:20

Hehan otonwe kin tona en iye oḣan tanka econpi qon hena iyopewicaya, iyopeic̣iyapi śni heon.

Mattheos 3:2

Qa heya; ihduecetu po, maḣpiya wokiconze kin wanna kiyedan u ce.

Mattheos 3:8

Heon etanhan ihduecetupi kta iyececa waskuyeca icaḣya po:

Mattheos 4:17

Unkan hetanhan Jesus woyaka aye c̣a heya ece; Ihduecetu po, maḣpiya wokiconze kin wanna kiyedan u ce.

Mattheos 9:13

Tuka ya po, qa de taku kapi hecinhan sdonya po; Wowaonśida iyomakipi qa wośnapi wacin śni. Wicaśta owotanna wicakico wahi śni, tuka waḣtanipi sa iyopeiciyapi kta on wahi ce.

Markos 1:15

Qa heya; Wanna iyehantu, Wakantanka tokiconze kin kiyedan un; iyopeic̣iya po, qa wotanin waśte kin wicada po.

Markos 1:3

Wicaho wan ḣewotahedan hotanin kin hee, Itancan tacanku kin wiyeya ekicihnaka wo, ocanku owotanna kicaga wo.

Lukas 11:32

Woyaco kin ekta Ninewe wicaśta kin hena wicoicage kin de on inajinpi kta, qa yacopi kta; he iye Jonas wowicakiyake cin on iyopeic̣iyapi; unkan inyun, wanji Jonas isanpa tanka den un ce.

Lukas 13:3

Hiya; tuka niye nihduecetupi śni ehantanhan, niś eya owasin iyecen nitakunipi kte śni, eciciyapi ce.

Lukas 13:5

Hiya; tuka niye nihduecetupi śni ehantanhan, niś eya owasin iyecen nitakunipi kte śni, eciciyapi ce, eya.

Lukas 15:10

He iyececa waḣtanipi sa wanjidan iyopeic̣iya ec̣a, on Wakantanka taoḣnihde kin wicitokam wiyuśkinpi ece, eciciyapi ce.

Lukas 15:7

Heciciyapi ce; he iyececa, waḣtanipi sa wanjidan iyopeic̣iya eca, maḣpiya ekta wiyuśkinpi ece e kta, wicaśta owotanna qa woaḣtani on iyopeic̣iyapi kta iyececapi śni wikcemna napcinwanka sanpa napcinwanka on iyecen wiyuśkinpi kte śni.

Lukas 24:47

Qa hecen iye caje kin on ihduecetupi qa woaḣtani kajujupi kin, oyate kin owasin en oyakapi kta, Jerusalem en tokaheya kta.

Lukas 9:6

Unkan iyayapi, qa otonwe iyaza yapi, qa wootanin waśte oyakapi, qa owancaya waasniyanpi.

Olianyanpi kin 11:18

Hena oie kin naḣonpi unkan inina yukanpi qa Wakantanka yatanpi qa heyapi; Awicakehan Ikcewicaśta on nipi kta e ihduecetupi kin Wakantanka wicaqu ce.

Olianyanpi kin 2:38

Hehan Inyan hewicakiya; Ihduecetu po, qa woaḣtani nicicajujupi kta e on Jesus Messiya caje kin on baptem nic̣upi kta; kinhan Woniya Wakan ituniciḣanpi kin he iyacupi kta.

Olianyanpi kin 20:21

Wakantanka ekta ihduecetupi, qa Jesus Messiya Itancan unkiyapi wacinyanpi kin hena, Juda Helenes oyate ko en mdaotanin ece.

Olianyanpi kin 26:20

Tuka tokaheya Damaskos en yakonpi, qa Jerusalem, qa Juda makoce kin owancaya, qa nakun Ikcewicaśta kin, ihduecetupi, qa Wakantanka ekta ihduhomnipi kta, qa ihduecetupi wicoḣan kin econpi kta hena hecen owicawakiyaka ece.

Olianyanpi kin 3:19

Heon ihduecetupi, qa ihduhomni po; hecen wayaḣtanipi kin nicicajujupi kta ce; tohan anpetu yuecetupi kin Itancan itohnake kin eciyatanhan u kinhan;