Markos 5:7 - Dakota Wowapi Wakan Kin

⁷ Qa hotankakiya hotanin qa heya; Jesus Wakantanka Tehanwankantu Cinhintku kin, taku e unkiyotahedan un he; Taku Wakan cajeyan ceciciya, kakiśmayaye kte śni.

Markos 5:7 ပူးပေါင်းရင်းမြစ်များ

Mattheos 16:16

Unkan Simon Inyan ayupte c̣a; Messiya Wakantanka ni un Cinhintku kin he niye, eya

Mattheos 26:63

Tuka Jesus inina yanka. Unkan wośnapi kagapi itancan kin heciya; Wakantanka ni un kin on wacajeciciyate, Messiya Wakantanka Cinhintku kin he niye hecinhan, unkokiyaka miye.

Mattheos 4:3

Unkan wawiyutanyan kin en hi qa heciya; Wakantanka Cinhintku kin he niye hecinhan, inyan kin dena aguyapi icage kta keya wo.

Mattheos 8:29

Unkan iho, heya howayapi; Jesus Wakantanka Cinhintku, taku unkiyotahedan un he; hinaḣinke śni tuka itokam kakiśunyayapi kta on yahi he.

Markos 1:24

Qa heya; Unkayuśtan po; Jesus Nazareth etanhan, taku ecaunniconpi he; ihangunyayapi kta yahi he; nituwe kin sdonwaya, Taku Wakan Wanji Wakantanka tawa kin he niye.

Markos 14:61

Tuka iye inina un qa takudan ayupte śni. Ake wośna kagapi itancan kin wiwange c̣a heciya; Messiya, Iyotan Waśte Cinhintku kin he niye he.

Markos 3:11

Qa tona woniya śapa yuhapi kin hena wanyakapi, hehan itokam makata iḣpayapi qa heya howayapi, Wakantanka Cinhintku kin he niye ye.

Markos 5:6

Tuka Jesus tehan tanhan wanyaka, hehan ekta inyang ye c̣a ohoda.

Markos 5:8

Wanna, Woniya śapa, wicaśta kin etanhan hinanpa wo, eciya nakaeś.

Lukas 1:32

Iye tanka kta, qa Iyotan Wankantu kin Cinhintku kin eciyapi kta; qa atkuku Dawid tohe kin Wakantanka Itancan kin hduhekiye kta.

Lukas 4:34

Qa heya; Hanta wo, Jesus Nazareth, niye qa unkiye taku unkicicapi he; ihangunyayapi kta yahi he; Wakantanka Taku Wakan Wanji tawa kin he niye e sdonciya ce.

Lukas 6:35

Tuka niś tona tokaniyanpi kin cantewicakiya po, taku waśte econpi qa owicaqu po, ake taku nic̣upi kta kecinpi śni po; kinhan wokajuju tanka duhapi kta, qa Iyotan Wankantu kin he cinca yaunpi kta: he iye tona pida śni qa śicapi kin cantewicakiya ece.

Lukas 8:28

He Jesus wanyake c̣ehan, hoyeye c̣a itokam makata eḣpeic̣iye c̣a hotankakiya heya; Jesus Wakantanka Iyotan Wankantu Cinhintku kin, token unyakon kta he. Ceciciya ce, Kakiśmaye śni wo.

Johannes 20:31

Tuka dena e owapi, heon Jesus he Messiya Wakantanka Cinhintku kin hee e wicayadapi kta; qa wicayadapi kin on, iye caje kin eciyatanhan, wiconi duhapi kta.

Olianyanpi kin 16:17

He Palos unkiyepi ko unkihakam u, qa; Wicaśta kin dena Wakantanka tehan wankantuya un kin taokiye wicaye cin, wiconi canku kin unkokiyakapi kin hena eepi ce, eya hoyekiya.

Olianyanpi kin 19:13

Unkan wanjikji, Juda wicaśta wapiyapi kin heca, tona taku wakan śica yuhapi kin hena en. Jesus Itancan kin cajeyata utapi, qa, Jesus Palos oyake cin he cajeyan naunḣon po, eyapi.

Olianyanpi kin 8:36

Unkan canku kin ohna hdapi, qa mini yuke cin wan iyohipi. Hehan yunokos kin; Mini wanyaka wo, baptem maqupi kta e taku teḣinda kta he, eya.

Roma 16:20

Unkan kohanna Wookiye Wakantanka kin niye nisihapi kin ihukuya Satan napan kta. Jesus Messiya Itancan unkiyapi towaonśida kin niyepi en nicipi un nunwe.

Hebrew 2:14

Cinca kin hena wicaceḣpi, qa wicawe kin en opapi kin heon iś iye hena en opa; hecen tuwe wiconṭe wowaśake yuhe cin, Wakanśica hec, e ihangye kta;

Hebrew 7:1

Melkizedek, Salem Wicaśtayatapi, qa Wawayuśna Wakantanka Iyotan wankantu kin he tawa, hee, Abraham, wicaśtayatapi wicakaśtake cin, etanhan hdicu kin he itkokipe c̣a yawaśte.

Jakob 2:19

Taku Wakan kin wanjidan he wicayada; he tanyan ecanon; taku wakan śicapi kin iś eya wicadapi qa cancanpi ece.

II. Inyan 2:4

Wakantanka maḣpiya ohnihde waḣtanipi qon hena wicakpatan śni, tuka wakanśica ti kin ekta iyayewicaya, qa woyaco kte cin hehanyan wicayuhapi kta e otpaza maza icicaḣiḣa on wicakaśka hecinhan;

I. Johannes 3:8

Tuwe woaḣtani econ ece kin he wakanśica eciyatanhan un; otokaheya tanhan wakanśica kin waḣtani ece. Heon etanhan Wakantanka Cinhintku kin ihdutanin, wakanśica oḣan kin ihangye kte cin heon.

Judas 1:6

Qa nakun maḣpiya ohnihde otokahe unpi kin kpatanpi śni, tuka iye tipi eḣpekiyapi qon, hena otpaza ihukuya, owihanke wanin mazaicicaḣiḣa kin on, anpetu tanka woyaco kin he en awicayuha.

Wayuotanin 12:12

Heon etanhan, maḣpiya kin iyuśkin po, qa tona ohna tipi kin. Tuka tona raaka kin miniwanca ko ekta yakonpi kin hena wicokakije yuhapi kta; niyepi kin ekta Wakanśica kun iyaye c̣a wośihda tanka yuha, aśkayedan kta e sdonkiye cin heon etanhan.