Markos 5:34 - Dakota Wowapi Wakan Kin

³⁴ Unkan heciya; Cunś, wacinyaye cin he asniniyan; wookiye hda wo, qa waniyazan qon okizi un wo.

Markos 5:34 ပူးပေါင်းရင်းမြစ်များ

Mattheos 9:2

Unkan iho, wicaśta ṭaṭake cin wan owinja akan wanka e he en ahipi. Unkan Jesus wacinyanpi kin wanyake c̣ehan ṭaṭake cin heciya; Cinś, cante waśte wo; wayaḣtani kin nicicajujupi ce.

Mattheos 9:22

Tuka Jesus ihdamna, qa wanyake c̣ehan heya; Cunś, cante waśte wo; wacinyaye cin he asniniyan ce. Unkan wihiyayedan oape kin he en winoḣinca kin asni.

Markos 10:52

Unkan Jesus heciya; Hda wo, wacinyaye cin he asniniyan ce. Unkan hecehnana tonwe c̣a canku ohna Jesus ihakam ya.

Markos 3:10

Wicaśta ota asniwicaya; heon tona tancan śihtinpi kin hena yutanpi kta e yuotinzapi.

Markos 5:29

Unkan hecehnana we iheye ciqon anapta; qa tancan mahen he wayazan kin on wanna akisni sdonkiya.

Markos 5:33

Tuka winoḣinca kin taku ecakiconpi kin sdonkiya, hecen kokipeyahan cancanyan en hi, qa itokam makata eḣpeic̣iye c̣a owasin awicakehan okiyaka.

Lukas 17:19

Hehan heciya; Najin qa hda wo; wicayada kin he asniniyan ce.

Lukas 18:42

Unkan Jesus heciya; Tonwan wo, wacinyaye cin he niniyan ce.

Lukas 7:50

Unkan winoḣinca qon heciya; Wacinyaye cin he niniyan ce; wookiye on hda wo.

Lukas 8:48

Unkan heciya; Cunś, cante waśte wo; wacinyaye cin he asniniyan ce: wookiye on hda wo.

Olianyanpi kin 14:9

He Palos ie cin naḣon; unkan he opaḣta yanke c̣a, wacinyanpi on ni kte cin yuha e wanyaka,

Olianyanpi kin 15:33

Wanna anpetu ota en yukanpi, hehan hunkawanjin kiciyapi kin hena yewicaśipi kin ekta wookiye hde wicaśipi.

Olianyanpi kin 16:36

Unkan wicakaśka tipi awanyake cin, hena oie kin Palos okiyake c̣a, Itancan wicakiyapi kin niciyuśkapi kta keya hośi hipi, heon etanhan tankan kinanpapi, qa wookiye hda po, eya.

Jakob 2:16

Qa wanji hewicayakiyapi, Wookiye on hdapo, cosic̣iyapi qa wipiic̣iya po; tuka taku wicatancan icakije cin hena wicayaqupi śni ehantanhan, taku iwaśtepi kta he.